ന്യൂഡൽഹി: ഇന്ത്യൻ ഫിലിം ആൻഡ് വെബ് കണ്ടന്റ് സ്റ്റുഡിയോ ഇറോസ് ഇന്റർനാഷണലും യുഎസ് ആസ്ഥാനമായുള്ള എസ്ടിഎക്സ് എന്റർടൈൻമെന്റും ചേർന്ന് ഒരു സ്വതന്ത്ര ഉള്ളടക്ക ഉൽ‌പാദന വിതരണ കമ്പനിയായ ഇറോസ് എസ്ടിഎക്സ് ഗ്ലോബൽ കോർപ്പറേഷന് ജന്മം നൽകുന്നു. ഇന്ത്യ, ചൈന, യുഎസ് എന്നിവിടങ്ങളിലായിരിക്കും ഇതിന്റെ പ്രവർത്തനം ആദ്യ ഘട്ടങ്ങളിൽ സാധ്യമാക്കുക.
പരമ്പരാഗത, ഡിജിറ്റൽ മീഡിയ പ്ലാറ്റ്‌ഫോമുകളിലുടനീളം ചലച്ചിത്ര-ടെലിവിഷൻ ഉള്ളടക്കങ്ങൾ നിർമ്മിക്കുകയും വിപണനം ചെയ്യുകയും വിതരണം ചെയ്യുകയും ചെയ്യുന്ന ഒരു സ്വതന്ത്ര ഹോളിവുഡ് സ്റ്റുഡിയോയാണ് 2014 ൽ സ്ഥാപിതമായ എസ്ടിഎക്സ് എന്റർടൈൻമെന്റ്. ഹസ്‌റ്റ്‌ലേഴ്‌സ്, ബാഡ് മംസ്, ദ അപ്‌സൈഡ് തുടങ്ങിയവയും ഇതിലുണ്ട്. എക്സിക്യൂട്ടീവ് കോ-ചെയർമാനായി കിഷോർ ലുല്ല, കോ-ചെയർമാനും ചീഫ് എക്സിക്യൂട്ടീവ് ഓഫീസറുമായി റോബർട്ട് സിമോണ്ട്സ്, ചീഫ് ഫിനാൻഷ്യൽ ഓഫീസറായി ആൻഡ്രൂ വാറൻ, കോ-പ്രസിഡന്റുമാരായി റിഷിക്ക ലുല്ല സിംഗ്, നോവ ഫോഗെൽസൺ എന്നിവരും പുതിയ സ്ഥാപനത്തിനുള്ള മാനേജ്മെൻറ് ടീമിനെ നയിക്കും. ഒപ്പം കോർപ്പറേറ്റ് തന്ത്രത്തിന്റെ തലവനായി പ്രേം പരമേശ്വരനും.
ഇറോസ് എസ്ടിഎക്സ് ഗ്ലോബൽ കോർപ്പറേഷൻ 40 ഓളം ഫീച്ചർ സിനിമകൾ 2020 ൽ പുറത്തിറക്കുമെന്ന് പ്രതീക്ഷിക്കുന്നു. ഇതിൽ മുൻ ഹിറ്റുകളുടെ തുടർച്ചകളും 100 ൽ അധികം ഒറിജിനൽ എപ്പിസോഡും പ്രദർശിപ്പിക്കും. ഇതിന്റെ ആഗോള മൾട്ടി-ചാനൽ വിതരണം പേ-ടിവി പ്ലാറ്റ്ഫോം ഷോടൈം, ഡിജിറ്റൽ സേവനങ്ങൾ നെറ്റ്ഫ്ലിക്സ്, ഹുലു, ആമസോൺ, ഇറോസ് നൗ എന്നിവയിലുടനീളം പ്രദർശിപ്പിക്കും.
ഞങ്ങളുടെ കമ്പനിയുടെ പരിവർത്തനത്തിന്റെ ഒരു സുപ്രധാന ഘട്ടത്തെ പ്രതിനിധീകരിക്കുന്നതിനാൽ എസ്ടിഎക്സ് എന്റർടൈൻമെന്റുമായി ചേരുന്നതിൽ ഞങ്ങൾക്ക് സന്തോഷമുണ്ട്. ഞങ്ങളുടെ ഡിജിറ്റൽ ഓവർ-ദി-ടോപ്പ് പ്ലാറ്റ്ഫോം ഉപയോഗിച്ച് കൂടുതൽ സ്ഥിരതയുള്ളതും സുസ്ഥിരവും ഉയർന്നതുമായ വരുമാന മാർഗത്തിലേക്ക് നീങ്ങുമ്പോൾ ഞങ്ങൾ ഇതിനകം ഒരു വഴിത്തിരിവിലാണ്. ഈ ലയനം ഞങ്ങളുടെ വളർച്ചയ്ക്ക് ആക്കം കൂട്ടുക മാത്രമല്ല, ഞങ്ങളുടെ അടിസ്ഥാന വരുമാന സ്രോതസ്സുകളെയും വരിക്കാരെയും വൈവിധ്യവത്കരിക്കുമെന്നും ഇറോസ് ഇന്റർനാഷണൽ എക്സിക്യൂട്ടീവ് ചെയർമാനും ചീഫ് എക്സിക്യൂട്ടീവ് ഓഫീസറുമായ കിഷോർ ലുല്ല പ്രസ്താവനയിൽ പറഞ്ഞു.
ഹോളിവുഡിലെയും ബോളിവുഡിലെയും വൈദഗ്ധ്യവും ക്രിയേറ്റീവ് സംസ്കാരങ്ങളും സമന്വയിപ്പിക്കുന്ന ആദ്യത്തെ സ്വതന്ത്ര മാധ്യമ കമ്പനിയാണ് ഈ രണ്ട് കമ്പനികളുടെയും സംയോജനം സൃഷ്ടിക്കുന്നതെന്ന് എസ്ടിഎക്സ് എന്റർടൈൻമെന്റിന്റെ എക്സിക്യൂട്ടീവ് ചെയർമാനും ചീഫ് എക്സിക്യൂട്ടീവ് ഓഫീസറുമായ റോബർട്ട് സിമോണ്ട്സ് പറഞ്ഞു. പുതിയ ഉള്ളടക്കം സൃഷ്ടിക്കുന്നതിനും ഏറ്റവും വലുതും ആകർഷകവുമായ ആഗോള വിപണികളിൽ അതിവേഗം വളരുന്നതിനുള്ള ബന്ധങ്ങളും മാനേജ്മെന്റ് വൈദഗ്ധ്യവും വിഭവങ്ങളും ഞങ്ങൾക്ക് ഒരുമിച്ച് ഉണ്ടാക്കാനാകുമെന്നും സിമോണ്ട്സ് പ്രസ്താവനയിൽ പറഞ്ഞു.
