മുംബൈ: ഫെഡറല് ബാങ്ക് എംഡിയും സിഇഒയുമായി മൂന്ന് വര്ഷത്തേക്ക് കൂടി ശ്യാം ശ്രീനിവാസന്റെ കാലാവധി നീട്ടിയ തീരുമാനം റിസര്വ് ബാങ്ക് ഓഫ് ഇന്ത്യ അംഗീകരിച്ചു. 2024 സെപ്തംബര് 23 വരെയാണ് കാലാവധി നീട്ടിയത്. 2010 സെപ്തംബര് 23 മുതല് ശ്യാമാണ് ഫെഡറല് ബാങ്കിന്റെ തലപ്പത്ത്. സിഇഒ പദവിയില് ഇദ്ദേഹം ഇതിനോടകം മൂന്ന് ടേം പൂര്ത്തിയാക്കി.
ഇതിന് മുന്പും ബാങ്ക് ഇദ്ദേഹത്തിന്റെ കാലാവധി നീട്ടാന് റിസര്വ് ബാങ്കിനെ സമീപിച്ചിരുന്നു. ഇതേ തുടര്ന്നാണ് 2021 സെപ്തംബര് 23 വരെ കാലാവധി നീട്ടിയത്. ഇതാണിപ്പോള് 2024 ലേക്ക് നീട്ടിയിരിക്കുന്നത്. ആജീവനാന്ത ഡയറക്ടര്മാരുടെയും സിഇഒമാരുടെയും കാലാവധി തുടര്ച്ചയായി 12 വര്ഷമാക്കി റിസര്വ് ബാങ്ക് നിയമ ഭേദഗതി വരുത്തിയിരുന്നു. അസാധാരണ സാഹചര്യങ്ങളില് സിഇഒയുടെ കാലാവധി 15 വര്ഷം വരെ അനുവദിക്കുമെന്നും ആര്ബിഐ വ്യക്തമാക്കിയിട്ടുള്ളതാണ്.
നിലവില് ഫെഡറല് ബാങ്കിന്റെ എംഡിയും സിഇഒയുമായി കൂടുതല് കാലം പ്രവര്ത്തിച്ചതിന്റെ റെക്കോര്ഡ് കൂടി ശ്യാം ശ്രീനിവാസന്റെ പേരിലുണ്ട്. ഫെഡറല് ബാങ്കിന്റെ ആപ്പില് യുപിഐ പേമെന്റ്സ് സംവിധാനം കൂടി ഏര്പ്പെടുത്തിയിരിക്കുകയാണ് ഇപ്പോള്. ബാങ്കിന്റെ 86 ശതമാനം ഇടപാടുകളും ഡിജിറ്റല് വഴിയാണ് നടക്കുന്നതെന്ന് ശ്യാം ശ്രീനിവാസന് പറഞ്ഞു.
