ന്യൂഡല്‍ഹി: സ്മാര്‍ട് ഫോണ്‍ വില്‍പ്പനയില്‍ റെക്കോര്‍ഡ് നേട്ടം കൊയ്ത് റിയല്‍മി. ഉത്സവകാല സീസണിനിലാണ് റിയല്‍മി ഈ റെക്കോര്‍ഡ് നേട്ടം നേടിയിട്ടുള്ളത്. റിയല്‍മി ചീഫ് എക്‌സിക്യുട്ടീവ് മാധവ് ഷെത്ത് ട്വിറ്ററിലൂടെയാണ് ഇക്കാര്യം വ്യക്തമാക്കിക്കൊണ്ടുള്ള റിപ്പോര്‍ട്ട് പുറത്തുവിട്ടത്. ഉത്സവ സീസണ്‍ ലക്ഷ്യം വെച്ച് കമ്പനി വന്‍ വിലക്കിഴിവാണ് ഇതുവരെ പ്രഖ്യാപിച്ചിട്ടുള്ളത്. അതേസമയം റിയല്‍മി ഇപ്പോള്‍ പുതിയ ലക്ഷ്യം പൂര്‍ത്തീകരിക്കാനുള്ള തയ്യാറെടുപ്പിലാണ്. സ്‌നാപ്ഡ്രാഗണ്‍ 855 പ്ലസ് പ്രൊസസറില്‍ പ്രവര്‍ത്തിക്കുന്ന പുതയ സ്മാര്‍ട്‌ഫോണ്‍ റിയല്‍മി എക്‌സ് 2 പ്രോ അവതരിപ്പിക്കാനുള്ള ശ്രമത്തിലാണ് കമ്പനിയുടെ പുതിയ നീക്കം. ചൈനീസ് കമ്പനികള്‍ ഇന്ത്യന്‍ വിപണിയില്‍ ശക്തമായ ആധിപത്യമാണ് ഇപ്പോള്‍ നടത്തുന്നത്.
അതേസമയം റെഡ്മിയുടെ കെ20 പ്രോക്ക് വലിയ വെല്ലുവിളിയാകും റിയല്‍മി ഉയര്‍ത്തുക. 90 ഹാര്‍ട്‌സ് ജിസ്‌പ്ലേ അവതരിപ്പിക്കുന്ന ആദ്യ ഡിവൈസ് ആയിരിക്കുമത്. കൂടാതെ 50 വോ്ട്വുക്ക്, ഫാസ്റ്റ് ചാര്‍ജിങ് സാങ്കേതിക വിദ്യയും പുതിയ സ്മാര്‍ട് ഫോണിലുണ്ടാകും. നിലവില്‍ 64 എംപി ക്വാഡ് ക്യാമറ സജ്ജീകരമാണ് ഒരുക്കിയിരിക്കുന്നത്. ഇന്ത്യയില്‍ റിയല്‍മി വന്‍ വിപുലീകരണ പ്രവര്‍ത്തനത്തിനാണ് തുടക്കമിട്ടിട്ടുള്ളത്. കൂടുതല്‍ നേട്ടം കൊയ്യാന്‍ വിപണിയില്‍ മുന്‍നിരയിലെത്തുക എന്നതുമാണ് കമ്പനിയുടെ ലക്ഷ്യം.
