ന്യൂഡല്‍ഹി: ജിഎസ്ടി വരുമാനത്തിന്‍ വന്‍ നേട്ടം കൈവരിച്ചതായി റിപ്പോര്‍ട്ട്. മാര്‍ച്ച് മാസത്തിലെ കണക്കുകളാണ് ഇപ്പോള്‍ പുറത്തു വന്നിട്ടുള്ളത്. 2018-2019 സാമ്പത്തിക വര്‍ഷത്തില്‍ ജിഎസ്ടിയില്‍ നിന്ന് മൊത്തമായി ലഭിച്ച തുക 11.77 ലക്ഷം രൂപയാണ്. പ്രതി മാസ ശരാശരി വരുമാനത്തിലും വര്‍ധനവുണ്ടായിട്ടുണ്ട്. അതേസമയം ജിഎസ്ടിയിലെ മൊത്ത വരുമാനം 2018-2019 സാമ്പത്തിക വര്‍ഷത്തിലെ കണക്കുകള്‍ പ്രകാരം കുറവുണ്ടായെന്നും വിലയിരുത്തലുണ്ട്. 11.47 ലക്ഷം കോടിയായിട്ടാണ് വരുമാനം കുറച്ചു കാണിക്കുന്നത്.
പ്രതിമാസ ശരാശരി വരുമാനം 98,114 കോടി രൂപയിലെത്തിയെന്നാണ് കണക്കുകളിലൂടെ വ്യക്തമാക്കുന്നത്.ഏകദേശം 9.2 ശതമാനം വര്‍ധനവാണ് ഉണ്ടായിട്ടുള്ളത്. അതേസമയം പ്രത്യക്ഷ്യ നികുതി വരുമാനത്തില്‍ വലിയ കുറവ് വന്നിട്ടുണ്ടെന്ന് കണക്കുകളിലൂടെ വ്യക്തമാക്കുന്നു. നികുതി വരുമാനം 5000 കോടി രൂപയായി കുറഞ്ഞുവെന്നാണ് കണക്കുകളിലൂടെ വ്യക്തമാക്കുന്നത്. ജിഡിപി 3.4 ശതമാനമാക്കി നിര്‍ത്തുകയും ചെയ്യുക എന്നതാണ് സര്‍ക്കാര്‍ ലക്ഷ്യമിടുന്നത്.
