കൊച്ചി: രാജ്യത്ത് ഇന്ധന വിലയില് ഇന്നും വര്ധന. പെട്രോള് ലിറ്ററിന് 35 പൈസയും ഡീസല് ലിറ്ററിന് 37 പൈസയുമാണ് കൂട്ടിയത്. തുടര്ച്ചയായ മൂന്നാം ദിവസമാണ് ഇന്ധന വിലയില് വര്ധനവുണ്ടാകുന്നത്. ഇതോടെ കൊച്ചിയില് ഡീസല് വില 100.96 രൂപയും പെട്രോളിന് 107. 20 രൂപയുമായി. തിരുവനന്തപുരത്ത് ഡീസല് വില 102.75 രൂപ ആയി, പെട്രോളിന് 109.2 രൂപയാണ്.
കോഴിക്കോട് പെട്രോളിന് 107 രൂപ 70 പൈസയും ഡീസലിന് 101 രൂപ 11 പൈസയുമാണ് ഇന്നത്തെ വില. രണ്ടു ദിവസത്തെ ഇടവേളക്ക് ശേഷം ബുധനാഴ്ചയും വ്യാഴാഴ്ചയും ഇന്ധനവില കൂട്ടിയിരുന്നു. ഇതോടെ കൊച്ചിയിലെ ഡീസല് വില നൂറു കടന്നിരുന്നു. ഒരു മാസത്തിനിടെ 7 രൂപ 37 പൈസയാണ് ഡീസലിന് കൂട്ടിയത്. പെട്രോളിന് 5 രൂപ 70 പൈസയും വര്ധിപ്പിച്ചു.
