സാമ്പത്തിക വര്‍ഷത്തിന്റെ നാലാം പാദത്തില്‍ ഇന്ത്യയുടെ ജിഡിപി 4.1 ശതമാനം വളര്‍ച്ച നേടി. അതേസമയം, 2021-22 സാമ്പത്തിക വര്‍ഷത്തില്‍ രേഖപ്പെടുത്തിയ മൊത്തത്തിലുള്ള വളര്‍ച്ച 8.7 ശതമാനമാണ്. കോവിഡ് -19 മൂന്നാം തരംഗവും ആഗോള വിലക്കയറ്റവും കാരണം ഫെബ്രുവരി 28 ന് പുറത്തിറക്കിയ 8.9 ശതമാനം എന്ന പ്രതീക്ഷയില്‍ നിന്ന് വളരെ കുറഞ്ഞ നിരക്കാണിത്.
ജിഡിപി സംഖ്യകളിലെ ഏറ്റക്കുറച്ചിലുകള്‍ക്ക് ഒമിക്രോണ്‍ തരംഗത്തിനിടയില്‍ പ്രാദേശികവല്‍ക്കരിച്ച നിയന്ത്രണങ്ങളുടെ ആഘാതവും സ്വകാര്യ ഉപഭോഗത്തെ ബാധിക്കുന്ന ഉയര്‍ന്ന പണപ്പെരുപ്പ സമ്മര്‍ദ്ദവും കാരണമായി കണക്കാക്കാം. ഒമിക്രോണിന്റെ മൂന്നാം തരംഗത്തെക്കുറിച്ചുള്ള ഭയം സാമ്പത്തിക വീണ്ടെടുക്കലിനെ തടസ്സപ്പെടുത്തുന്നതിന് കാരണമായി.
പ്രധാന ഉല്‍പ്പാദകരുടെ കയറ്റുമതി നിരോധനം, അസംസ്‌കൃത വസ്തുക്കളുടെ ദൗര്‍ലഭ്യം, വിതരണ തടസ്സങ്ങള്‍ എന്നിവ ഈ ആശങ്കകള്‍ക്ക് ആക്കം കൂട്ടുന്നു. കാര്‍ഷിക-വ്യവസായ മേഖലകള്‍ വളരെയധികം നഷ്ടം നേരിട്ടു. പ്രത്യേകിച്ച് 2022 ന്റെ നാലാം പാദത്തില്‍, മുകളില്‍ സൂചിപ്പിച്ച ഘടകങ്ങള്‍ കാരണം.
ഈ വര്‍ഷം വര്‍ദ്ധിച്ച ആവശ്യകതകള്‍ കാരണം സേവന മേഖല 5.4 ശതമാനം വളര്‍ച്ച കൈവരിക്കുമെന്ന് ഐസിആര്‍എയുടെ മുഖ്യ സാമ്പത്തിക വിദഗ്ധന്‍ അദിതി നായര്‍ പറഞ്ഞിരുന്നു. എന്നിരുന്നാലും, കാര്‍ഷിക, വ്യാവസായിക മേഖലകള്‍ ഇത്തവണ ഇടിഞ്ഞേക്കാം. ഉയര്‍ന്ന അസംസ്‌കൃത വസ്തുക്കളുടെ വില കമ്പനികളുടെ മാര്‍ജിനുകളെ ബാധിച്ചു. ഇത് സ്വകാര്യ നിക്ഷേപത്തിലെ വീണ്ടെടുക്കലിന് വെല്ലുവിളി ഉയര്‍ത്തുന്നു.
