ന്യൂഡല്‍ഹി: രാജ്യത്തെ നഗര തൊഴിലാളികളില്‍ സാധാരണ വേതനം നേടുന്നവരുടെയും മാസ ശബള ജോലിക്കാരുടെയും പങ്ക് 2018 ഏപ്രില്‍-ജൂണ്‍ മുതല്‍ 2019 ജനുവരി-മാര്‍ച്ച് വരെ - 48.3 ശതമാനത്തില്‍ നിന്ന് 50 ശതമാനമായി വര്‍ധിച്ചതായി റിപ്പോര്‍ട്ട്. പീരിയോഡിക് ലേബര്‍ ഫോഴ്സ് സര്‍വേ (പിഎല്‍എഫ്എസ്) നാഷണല്‍ സ്റ്റാറ്റിസ്റ്റിക്കല്‍ ഓര്‍ഗനൈസേഷന്‍ (എന്‍എസ്ഒ) നടത്തിയ പഠനത്തിലാണ് കണക്കുകള്‍ വ്യക്തമാക്കുന്നത്
കഴിഞ്ഞദിവസം പുറത്തുവിട്ട കണക്കുകള്‍ പ്രകാരം, കഴിഞ്ഞ നാല് മാസങ്ങളിലായി വര്‍ധിച്ചട്ടുണ്ടെന്നാണ് റിപ്പോര്‍ട്ട്, സംഘടിത മേഖലയിലെ തൊഴിലാളികളെ പ്രതിനിധീകരിച്ച് വനിതാ ശമ്പളത്തൊഴിലാളികള്‍ 2.1 ശതമാനം വര്‍ദ്ധനവുണ്ടായതായി കണക്കുകള്‍ സൂചിപ്പിക്കുന്നു, എന്നാല്‍ പുരുഷ തൊഴിലാളികളുടെ 1.5 ശതമാനം മാത്രമാണ് ഉയര്‍ന്നത്. ഇന്ത്യന്‍ നഗരങ്ങളിലെ തൊഴില്‍ വിപണിയില്‍ അഞ്ചിലൊന്ന് യുവാക്കള്‍ക്ക് 2018-19 അവസാന പാദത്തില്‍ തൊഴില്‍ കണ്ടെത്താന്‍ കഴിഞ്ഞില്ലെന്ന് പിഎല്‍എഫ്എസ് ഡാറ്റ പറയുന്നു. 2019 ജനുവരി-മാര്‍ച്ച് മാസങ്ങളില്‍, 15 നും 29 നും ഇടയില്‍ പ്രായമുള്ളവരില്‍ 22.5% തൊഴിലില്ലായ്മാ നേരിടുന്നവരാണെന്നും കണക്കില്‍ വ്യക്തമാക്കുന്നുണ്ട്.
തൊഴിലില്ലായ്മ പരിഹരിക്കുന്നതില്‍ തൊഴില്‍ മേഖലകള്‍ വലിയ തോതില്‍ പരാജയപ്പെട്ടുവെന്നും റിപ്പോര്‍ട്ടുകള്‍ സൂചിപ്പിക്കുന്നത്, ഈ കണക്കുകളാണ് പല വ്യവസായ സ്ഥാപനങ്ങളും വിദഗ്ധരും ഉന്നമിട്ട് ചോദിക്കുന്ന ചോദ്യമെന്നതില്‍ സംശയമില്ല. തൊഴില്‍ മേഖലയില്‍ ഉയര്‍ന്നെങ്കിലും തൊഴില്‍ പങ്കാളിത്തനിരക്കില്‍ സ്ത്രീകള്‍ എണ്ണം കുറയുന്നത് പട്ടിക സൂചിപ്പിക്കുന്നു. 2019 ജനുവരി-മാര്‍ച്ച് കാലയളവില്‍ ഇത് മൂന്നിലൊന്ന് താഴ്ന്ന് 36% ആയി കുറഞ്ഞു, ഈക്കാലയളവില്‍ ജോലി തേടുന്നവരോ തൊഴിലില്‍ ഏര്‍പ്പെടുന്നവരോ (15%) പുരുഷന്മാര്‍ നാലിലൊന്ന് (56.2%) മാത്രമാണ്. രണ്ട് സെഗ്മെന്റുകളിലും, 15-29 വര്‍ഷത്തെ മാന്ദ്യം കൂടുതല്‍ പ്രകടമായതായി കണക്കുകള്‍ വ്യക്തമാക്കുന്നു. തൊഴില്‍ മേഖലയിലെ പങ്കാളിത്ത നിരക്ക് ജനസംഖ്യയുടെ ശതമാനമായി നിര്‍വചിക്കപ്പെടുന്നതും.
എന്നാല്‍, നേരത്തെ തൊഴില്‍ അന്വേഷിക്കുന്ന സ്ത്രീകളില്‍ തൊഴിലില്ലായ്മാ നിരക്ക് വളരെ ഉയര്‍ന്നതാണെന്ന് ഡാറ്റ വിശകലനം വ്യക്തമാക്കുന്നു. 2018-19 ല്‍ തൊഴിലില്ലായ്മ നിരക്ക് സ്ത്രീകളില്‍ 29% ആയിരുന്നു, ഇത് പുരുഷന്മാരിലെ തൊഴിലില്ലായ്മയേക്കാള്‍ 8 ശതമാനം കൂടുതലും. ''ഇപ്പോള്‍ കിട്ടിയിരിക്കുന്ന ഡേറ്റ സ്ഥിരത കൈവരിക്കട്ടെ, അതിനുശേഷം മാത്രമേ നമുക്ക് ഏതെങ്കിലും നടപടികളിലേക്ക് കൈവരിക്കാന്‍ കഴിയൂ,'' ഉദ്യോ?ഗസ്ഥനായ പ്രണബ് സെന്‍ പറഞ്ഞു. കാര്‍ഷിക മേഖലയുടെ വിഹിതത്തിലും ഖനനം, ഉല്‍പ്പാദനം, നിര്‍മ്മാണം തുടങ്ങിയ മേഖലകളിലെയും ഇടിവുണ്ടായതായി കണക്കുകള്‍ സൂചിപ്പിക്കുന്നു.
