സംസ്ഥാനത്ത് സ്വര്ണ വിലയില് വര്ധന തുടരുന്നു. ചൊവാഴ്ച പവന്റെ വില 160 രൂപ കൂടി 36,880 രൂപയായി. ഗ്രാമിന് 20 രൂപ കൂടി 4610 രൂപയുമായി. 36,720 രൂപയായിരുന്നു കഴിഞ്ഞ ദിവസത്തെ വില. ആഗോള വിപണിയില് സ്വര്ണ വില അഞ്ച് മാസത്തെ ഉയര്ന്ന നിലവാരത്തിലെത്തി.
ഒരു ഔണ്സിന് 1,914.26 ഡോളറാണ് വില. വിലക്കയറ്റ ഭീഷണിയും ഡോളര് സൂചികയിലെ തളര്ച്ചയുമാണ് സ്വര്ണം നേട്ടമാക്കിയത്. ആഗോള വിപണിയിലെ നേട്ടം രാജ്യത്ത കമ്മോഡിറ്റി വിപണിയിലും പ്രതിഫലിച്ചു. എംസിഎക്സില് 10 ഗ്രാം 24 കാരറ്റ് സ്വര്ണത്തിന് 49,469 രൂപയായി. 0.24 ശതമാനമാണ് വര്ധന.
