തിരുവനന്തപുരം: സംസ്ഥാനത്ത് വീണ്ടും സ്വര്ണവില ഇടിഞ്ഞു. ഒരു പവന് സ്വര്ണത്തിന് 160 രൂപയുടെ ഇടിവാണ് ഉണ്ടായത്. തുടര്ച്ചയായ രണ്ടാം ദിവസമാണ് സ്വര്ണവിലയില് ഇടിവുണ്ടായത്. ഇന്നലെ 600 രൂപയാണ് ഒറ്റയടിക്ക് കുറഞ്ഞത്. ഒരു പവന് സ്വര്ണത്തിന്റെ ഇന്നത്തെ വിപണി വില 37000 രൂപയാണ്.
മെയ് 12 ന് സ്വര്ണവില ഉയര്ന്നിരുന്നു. 360 രൂപയുടെ വര്ധനവാണ് ഉണ്ടായത്. എന്നാല് തൊട്ടടുത്ത ദിവസം തന്നെ സ്വര്ണ വില ഇടിയുകയായിരുന്നു. ദീര്ഘനാളായി ഇടിഞ്ഞുകൊണ്ടിരുന്ന സ്വര്ണവില കഴിഞ്ഞ ദിവസങ്ങളിലാണ് ഉയരാന് തുടങ്ങിയത്. അതേസമയം സംസ്ഥാനത്ത് വെള്ളിയുടെ വിലയില് മാറ്റമില്ല. വെള്ളിയുടെ വിപണി വില 65 രൂപയാണ്. ഇന്നലെ വെള്ളിയുടെ വിലയില് ഒരു രൂപയുടെ കുറവ് ഉണ്ടായിരുന്നു. 925 ഹോള്മാര്ക്ക് വെള്ളിയുടെ വിലയിലും മാറ്റമില്ല. 925 ഹോള്മാര്ക്ക് വെള്ളിയുടെ വില 100 രൂപയാണ്.
