കൊച്ചി: സംസ്ഥാനത്ത് ഇന്ന് സ്വര്‍ണ വിലയില്‍ കുതിപ്പ്. ഗ്രാമിന് 65 രൂപയും പവന് 520 രൂപയുമാണ് വര്‍ധിച്ചത്. ഗ്രാമിന് 4700 രൂപയും പവന് 37600 രൂപയും ആണ് ഇന്നത്തെ സ്വര്‍ണ്ണവില. കഴിഞ്ഞദിവസം ഗ്രാമിന് 4635 രൂപയായിരുന്നു വില. റഷ്യ-യുക്രെയ്ന്‍ യുദ്ധം തുടങ്ങിയതിന് പിന്നാലെ സ്വര്‍ണ വില കുതിച്ചുകയറിയിരുന്നു. കഴിഞ്ഞ ദിവസങ്ങളില്‍ രണ്ടു തവണയായി പവന് ആയിരം രൂപ കൂടിയെങ്കിലും പിന്നീട് സ്വര്‍ണവില കുത്തനെ കുറയുന്ന കാഴ്ചയാണ് കണ്ടത്. വ്യാഴം, വെള്ളി ദിവസങ്ങളിലായി പവന് 720 രൂപ കുറഞ്ഞു.
ഹോള്‍മാര്‍ക്ക് വെള്ളിക്ക് 100 രൂപയും വെള്ളിക്ക് ഗ്രാമിന് 70 രൂപയുമാണ് ഇന്നത്തെ വില. സംസ്ഥാനത്ത് സ്വര്‍ണ വിലയില്‍ അടുത്ത രണ്ടാഴ്ചക്കുള്ളില്‍ വലിയ ചാഞ്ചാട്ടമുണ്ടാകാന്‍ സാധ്യതയെന്ന് ഓള്‍ കേരള ഗോള്‍ഡ് ആന്റ് സില്‍വര്‍ മെര്‍ച്ചന്റ്‌സ് അസോസിയേഷന്‍. ബാങ്കുകളില്‍ നിന്ന് വ്യാപാരികള്‍ വാങ്ങുന്ന സ്വര്‍ണ നിരക്ക് ഉയര്‍ന്നേക്കും. 24 കാരറ്റ് സ്വര്‍ണത്തിന് 10 ഗ്രാമിന് 49500 രൂപ മുതല്‍ 57000 രൂപയിലേക്ക് ഉയരാനും സാധ്യതയുണ്ട്.
