ഡല്‍ഹി, മുംബൈ, ബംഗളൂരു തുടങ്ങിയ നഗരങ്ങളില്‍ ഗൂഗിള്‍ പ്ലേസ്റ്റോര്‍ നിശ്ചലമായതായി റിപ്പോര്‍ട്ടുകള്‍. ലോകത്തെ ഏറ്റവും വലിയ ആപ് ശേഖരമായ ഗൂഗിള്‍ പ്ലേസ്റ്റോര്‍ ലോകത്തിന്റെ പല ഭാഗങ്ങളിലും നിശ്ചലമായതായാണ് റിപ്പോര്‍ട്ടുകള്‍ പുറത്തുവരുന്നത്. ആപ് ഡൗണ്‍ലോഡിനായി ആന്‍ഡ്രോയ്‌സ് ഉപഭോക്താക്കള്‍ പ്ലേസ്റ്റോര്‍ തുറക്കുമ്പോഴാണ് പ്രവര്‍ത്തനരഹിതാമായി കാണപ്പെടുന്നത്. കഴിഞ്ഞ ശനിയാഴ്ച മുതലാണ് ഇത്തരത്തിലുള്ള പ്രശ്നം റിപ്പോര്‍ട്ട് ചെയ്യപ്പെട്ടിട്ടുള്ളത്. ഉപഭോക്താക്കള്‍ സ്‌ക്രീന്‍ ഷോട്ട് ട്വിറ്റര്‍ അടക്കമുള്ള സാമൂഹ്യ മാധ്യമങ്ങളില്‍ പ്രസിദ്ധീകരിച്ചിട്ടുണ്ട്.
ബ്രിട്ടന്‍, യൂറോപ്, ജപ്പാന്‍ തുടങ്ങിയ സ്ഥലങ്ങളെയാണ് ഇത് കൂടുതലായി ബാധിച്ചിരിക്കുന്നത്. ഇന്ത്യയിലെ പ്രശ്നം കാര്യമാക്കത്തക്ക രീതിയില്‍ ഇല്ലെന്നാണ് സൂചനകള്‍. പ്ലേസ്റ്റോറിനു വന്നിരിക്കുന്ന പ്രശ്നം കഴിഞ്ഞ മാസങ്ങളില്‍ ജിമെയിലിനും ഗൂഗിള്‍ ഡ്രൈവിനും വന്നിരുന്നുവെന്നും കാണാം. പ്ലേസ്റ്റോറിന് എന്തു പറ്റി എന്നതിനെപ്പറ്റി ഗൂഗിള്‍ ഇതുവരെ ഒരു പ്രതികരണവും നടത്തിയിട്ടില്ല.
മുംബൈയില്‍ ഈ പ്രശ്‌നത്തെക്കുറിച്ച് പഠിച്ച കമ്പനിയിലെ പത്ത് ആന്‍ഡ്രോയിഡ് ഉപകരണണങ്ങളില്‍ എട്ടെണ്ണത്തിലും പ്ലേസ്റ്റോര്‍ പ്രവര്‍ത്തിക്കുന്നതായണ് അറിയിപ്പുകള്‍ വരുന്നത്. ഇവിടെ ആപ്പുകള്‍ ബ്രൗസ് ചെയ്യാനും, ഡൗണ്‍ലോഡ് ചെയ്യാനും സാധിക്കുന്നുവെന്നാണ് പറയുന്നത്. എന്നാല്‍ പ്രശ്നം പരിഹരിച്ചതായി ഗൂഗിളിന്റെ ഭാഗത്ത് നിന്നും ഇതുവരെ അറിയിപ്പുകള്‍ ഒന്നും തന്നെ പുറത്തുവന്നിട്ടില്ല.
ഗൂഗിള്‍ പ്ലേസ്റ്റോര്‍ അപ്‌ഡേഷന്റെ ഭാഗമായാണ് പ്രശ്നം എന്നു സംശയമുള്ളതായുള്ള സംശയങ്ങളും ഉയര്‍ന്നുവരുന്നു. ഗൂഗിള്‍ പ്ലേസ്റ്റോര്‍ ഒരു വെള്ള പശ്ചാത്തലവുമായി അപ്ഡേറ്റു ചെയ്യപ്പെട്ട് ചില ഉപയോക്താക്കള്‍ക്കു ലഭിച്ചു തുടങ്ങി. ഗൂഗിള്‍ കലണ്ടര്‍, ഗൂഗിള്‍ ഫോട്ടോസ് എന്നിവയ്ക്കെല്ലാം നേരത്തെ നല്‍കിയിരുന്ന വെള്ള ബാക്ഗ്രൗണ്ട് പ്ലേസ്റ്റോറിനും ലഭിച്ചിരിക്കുകയാണ്.
പുതിയ പ്ലേസ്റ്റോറിന്റെ ഡിസൈനിലും ചില മാറ്റങ്ങളുണ്ട്. ഏറ്റവുമടിയിലായി ഗെയിംസ്, ആപ്സ്, മൂവീസ് & amp; ടിവി, ബുക്സ് തുടങ്ങിയ ടാബുകള്‍ വന്നിട്ടുണ്ട്. എന്നാല്‍ മ്യൂസിക് ടാബ് ഇല്ല. ഗൂഗിള്‍ പ്ലേ മ്യൂസിക് മാറ്റി, യുട്യൂബ് മ്യൂസിക് ആക്കിയതിന്റെ ഫലമായിരിക്കാമത്. പൊതുവെ പറഞ്ഞാല്‍ പുതിയ പ്ലേസ്റ്റോര്‍ അല്‍പം കൂടെ സൗഹാര്‍ദ്ദ പരമാണ്. ആപ് പേജുകള്‍ക്കും ചെറിയ റീഡിസൈന്‍ നടന്നിട്ടുണ്ട്. പുതിയ വേര്‍ഷന്‍ 15.1.24 ആണ്. നിങ്ങള്‍ക്ക് ഇതു ലഭിച്ചിട്ടില്ലെങ്കില്‍ ഏതാനും ദിവസം കൂടെ കാത്തിരിക്കുക.
