ന്യൂഡല്‍ഹി: ഇന്ത്യയില്‍ അവതരിപ്പിക്കാനിരിക്കുന്ന ധനകാര്യ ബജറ്റില്‍ പൊതുമേഖലാ ബാങ്കുകള്‍ക്ക് മൂലധനം നല്‍കുന്നത് പരിഗണിക്കാന്‍ സാധ്യത. കൂടാതെ സര്‍ക്കാര്‍ നിയന്ത്രണത്തിലുള്ള ബാങ്കുകള്‍ക്ക് ഫണ്ട് നല്‍കുന്നതിനായി 2021- 22 ധനകാര്യ ബജറ്റില്‍ ഏകദേശം 25,000 കോടി രൂപ നീക്കിവെച്ചിട്ടുണ്ട്. കൊറോണ വൈറസ് വ്യാപനം ബാങ്ക് വായ്പക്കാരെ സമ്മര്‍ദ്ദത്തിലാക്കുകയും ഉയര്‍ന്ന നിഷ്‌ക്രിയ ആസ്തികളുടെ ഭീഷണി ഉയര്‍ത്തുകയും ചെയ്യുന്നു.
മൂലധന ആവശ്യകതകള്‍, കണക്കാക്കിയ വായ്പകള്‍, ഫണ്ട് സ്വരൂപിക്കാനുള്ള പദ്ധതികള്‍ എന്നിവയെക്കുറിച്ച് സര്‍ക്കാര്‍ കടം കൊടുക്കുന്നവരില്‍ നിന്ന് വിശദാംശങ്ങള്‍ ചോദിച്ചറിഞ്ഞിട്ടുണ്ട്. പിഎസ്ബികളിലെ അന്തിമ മൂലധന തുക ഈ ചര്‍ച്ചകള്‍ക്ക് ശേഷം തീരുമാനിക്കുമെന്നാണ് ഇപ്പോള്‍ പുറത്തുവരുന്നത്. നിലവിലെ സാഹചര്യത്തില്‍ നിര്‍ദ്ദിഷ്ട പദ്ധതി പ്രാധാന്യമര്‍ഹിക്കുന്നതാണ്. ഫണ്ട് ഇന്‍ഫ്യൂഷന്‍ സര്‍ക്കാര്‍ ഉടമസ്ഥതയിലുള്ള ബാങ്കുകളെ ഉയര്‍ച്ചയ്ക്ക് സഹായിക്കുകയും ചെയ്യും.
ബാങ്കുകളുടെ മൂലധന ആവശ്യകതകളെക്കുറിച്ച് ഒരു വിലയിരുത്തല്‍ നടന്നുവരികയാണ്. മൂലധന സമാഹരണത്തിനുള്ള ബാങ്കുകളുടെ പദ്ധതി, വായ്പകളുടെ വര്‍ദ്ധനവ് എന്നിങ്ങനെയുള്ള വിവിധ ഘടകങ്ങളെ ആശ്രയിച്ച് വ്യത്യാസപ്പെട്ടിരിക്കാവുന്ന ചില പ്രവചനങ്ങളാണിവ.
