ന്യൂഡല്‍ഹി: എയര്‍കണ്ടീഷണറുകളുടെയും എല്‍ഇഡി ബള്‍ബുകളുടെയും ഉത്പാദനം പ്രോത്സാഹിപ്പിക്കാനുള്ള സഹായ പദ്ധതിക്ക് കേന്ദ്രമന്ത്രിസഭ അനുമതി നല്‍കി. കമ്പനികള്‍ക്ക് അഞ്ചുകൊല്ലം കൊണ്ട് 6,238 കോടി രൂപയുടെ സഹായം നല്‍കും. അഞ്ചുവര്‍ഷത്തില്‍ 1.68 ലക്ഷം കോടി രൂപയുടെ ഉത്പാദനവും 64,000 കോടിയുടെ കയറ്റുമതിയും ഈ മേഖലയില്‍ ഉണ്ടാവുമെന്നാണ് കണക്കൂകൂട്ടല്‍.
7920 കോടി രൂപയുടെ നിക്ഷേപം നടക്കും. 4 ലക്ഷം പേര്‍ക്ക് തൊഴില്‍ ലഭിക്കും. ഉത്പന്നങ്ങളുടെ വില്പനയുമായി ബന്ധപ്പെട്ട് നാലുമുതല്‍ ആറുവരെ ശതമാനം സാമ്പത്തികസഹായമാണ് ഈ രംഗത്തുള്ള കമ്പനികള്‍ക്ക് നല്‍കുക. സൂക്ഷ്മ, ചെറുകിട സംരംഭങ്ങള്‍ക്കും ആഗോള, ആഭ്യന്തര കമ്പനികള്‍ക്കും പദ്ധതിയുടെ ഭാഗമാകാന്‍ സാധിക്കുമെന്ന് മന്ത്രി പിയൂഷ് ഗോയല്‍ വാര്‍ത്താസമ്മേളനത്തില്‍ പറഞ്ഞു.
# എസി വിപണി,
# AC,
