ന്യൂഡല്‍ഹി: പൊതുമേഖല സ്ഥാപനങ്ങളുടെ ആസ്തി ഉപയോഗപ്പെടുത്തി പണമുണ്ടാക്കുന്ന (അസറ്റ് മോണിറ്റൈസേഷന്‍) പദ്ധതിയിലൂടെ 70,000 കോടി രൂപ സമാഹരിക്കാന്‍ കേന്ദ്ര സര്‍ക്കാര്‍. പവര്‍ഗ്രിഡ്, എന്‍ടിപിസി, ആര്‍ഇസി എന്നിവയുടെ ആസ്തികളാകും ഇതിനായി പ്രയോജനപ്പെടുത്തുക. വൈദ്യുതി വിതരണ മേഖലയിലെ നിക്ഷേപത്തിന് ഇത് പ്രയോജനപ്പെടുമെന്നാണ് വിലയിരുത്തല്‍. അഞ്ചുവര്‍ഷം കൊണ്ടായിരിക്കും തുക സമാഹരിക്കുക.
അന്തര്‍സംസ്ഥാന വൈദ്യുതി വിതരണം, സബ് ട്രാന്‍സ്മിഷന്‍, വിതരണശൃംഖലകള്‍ എന്നീ മേഖലകളില്‍ കാര്യമായ നിക്ഷേപംനടത്തിയിട്ടില്ലെന്നാണ് വിലയിരുത്തല്‍. ഇത് സാങ്കേതിക മുന്നേറ്റത്തിന് തടസ്സമാകുന്നതോടൊപ്പം വിതരണമേഖലയിലെ വൈദ്യുതി നഷ്ടത്തിനും കാരണമാകുന്നതായി വിലയിരുത്തലുണ്ട്. രാജ്യത്തെ ഊര്‍ജ വിതരണ മേഖലയില്‍ നടത്തുന്ന 3.03 കോടി രൂപയുടെ പദ്ധതിക്ക് പുറമെയായിരിക്കും നിര്‍ദിഷ്ട നിക്ഷേപം.
