മുംബൈ: റിസർവ് ബാങ്കുമായി കൂടിയാലോചിച്ച് സോവറിങ് സ്വർണ്ണ ബോണ്ടുകൾ ആരംഭിച്ച് വായ്പയെടുക്കുന്നതിനുള്ള നടപടികൾ കേന്ദ്ര സർക്കാർ ആരംഭിച്ചു. ഏപ്രിൽ 20 മുതൽ ആറ് തവണയായി സർക്കാർ സോവറിൻ ഗോൾഡ് ബോണ്ടുകൾ (എസ്ജിബി) വിതരണം ചെയ്യുമെന്ന് റിസർവ് ബാങ്ക് അറിയിച്ചു. സോവറിൻ ഗോൾഡ് ബോണ്ട് 2020-21 ഇന്ത്യൻ സർക്കാരിനുവേണ്ടി റിസർവ് ബാങ്ക് വിതരണം ചെയ്യും.
കാലാവധി
ഒരു ഗ്രാം അടിസ്ഥാന യൂണിറ്റിന്റെ ഗുണിതങ്ങളിൽ ബോണ്ടുകൾ വാങ്ങാം. എസ്ജിബിയുടെ കാലാവധി എട്ട് വർഷമായിരിക്കും. അഞ്ചാം വർഷത്തിനുശേഷം എക്സിറ്റ് ഓപ്ഷനുണ്ട്. ബോണ്ടുകൾ ഇന്ത്യയിൽ സ്ഥിരതാമസമാക്കിയിട്ടുള്ളവർ, എച്ച് യു എഫ്, ട്രസ്റ്റ്, യൂണിവേഴ്സിറ്റികൾ, ചാരിറ്റബിൾ സ്ഥാപനങ്ങൾ എന്നിവയ്ക്ക് വിൽക്കാനാണ് സെൻട്രൽ ബാങ്ക് തീരുമാനിച്ചിരിക്കുന്നത്. അനുവദനീയമായ ഏറ്റവും കുറഞ്ഞ നിക്ഷേപം 1 ഗ്രാം സ്വർണമാണ്.
വാങ്ങൽ പരിധി
സബ്സ്ക്രിപ്ഷന്റെ പരമാവധി പരിധി വ്യക്തിക്ക് 4 കിലോഗ്രാം വരെയാണ്. എച്ച് യു എഫിന് 4 കിലോഗ്രാം, ട്രസ്റ്റുകൾക്കും 20 കിലോ ഗ്രാം വരെ സ്വർണം വാങ്ങാം. സബ്‌സ്‌ക്രിപ്‌ഷനുള്ള ആദ്യ ഘട്ടം (2020-21 സീരീസ് I) ഏപ്രിൽ 20 ന് തുറന്ന് ഏപ്രിൽ 24 ന് അവസാനിക്കും. ബോണ്ടുകൾ ഏപ്രിൽ 28 ന് നൽകും. ആറാമത്തെ ഘട്ടം (2020-21 സീരീസ് 6) ഓഗസ്റ്റ് 31 മുതൽ സെപ്റ്റംബർ 4 വരെ ഷെഡ്യൂൾ ചെയ്തിട്ടുണ്ട്. വരിക്കാർക്ക് മിനിമം 1 ഗ്രാം (ബോണ്ടിന്റെ മൂല്യം) നിക്ഷേപം അനുവദിക്കും.
ഇഷ്യു വില
സബ്സ്ക്രിപ്ഷന് തൊട്ടുമുമ്പുള്ള ആഴ്ചയിലെ അവസാന 3 പ്രവൃത്തി ദിവസങ്ങളിൽ ഇന്ത്യാ ബുള്ളിയൻ ആന്റ് ജ്വല്ലേഴ്സ് അസോസിയേഷൻ ലിമിറ്റഡ് പ്രസിദ്ധീകരിച്ച 999 പരിശുദ്ധിയുള്ള സ്വർണത്തിന്റെ ശരാശരി വിലയുടെ അടിസ്ഥാനത്തിൽ ഇഷ്യു വില നിശ്ചയിക്കുമെന്ന് റിസർവ് ബാങ്ക് അറിയിച്ചു. കൂടാതെ, ഓൺ‌ലൈൻ വരിക്കാർക്കും ഡിജിറ്റൽ മോഡ് വഴി പണമടയ്ക്കുന്നവർക്കും സ്വർണ്ണ ബോണ്ടുകളുടെ ഇഷ്യു വില ഗ്രാമിന് 50 രൂപ കുറവായിരിക്കും.
സോവറിൻ ഗോൾഡ് ബോണ്ട് പദ്ധതി
ബാങ്കുകൾ (ചെറുകിട ധനകാര്യ ബാങ്കുകളും പേയ്‌മെന്റ് ബാങ്കുകളും ഒഴികെ), സ്റ്റോക്ക് ഹോൾഡിംഗ് കോർപ്പറേഷൻ ഓഫ് ഇന്ത്യ (എസ്എച്ച്സിഐഎൽ), നിയുക്ത പോസ്റ്റോഫീസുകൾ, അംഗീകൃത സ്റ്റോക്ക് എക്സ്ചേഞ്ചുകൾ (എൻ‌എസ്‌ഇ, ബി‌എസ്‌ഇ) എന്നിവയിലൂടെയാണ് എസ്‌ജിബികൾ വിൽക്കുക. ഭൌതിക സ്വർണ്ണത്തിന്റെ ആവശ്യം കുറയ്ക്കുന്നതിനും ആഭ്യന്തര സമ്പാദ്യത്തിന്റെ ഒരു ഭാഗം - സ്വർണം വാങ്ങാൻ ഉപയോഗിക്കുന്നതിനും സാമ്പത്തിക ലാഭത്തിലേക്ക് നീക്കി വയ്ക്കുന്നതിനുമായി 2015 നവംബറിലാണ് സോവറിൻ ഗോൾഡ് ബോണ്ട് പദ്ധതി ആരംഭിച്ചത്. വ്യക്തികൾ, എച്ച് യു എഫ്, ട്രസ്റ്റുകൾ, യൂണിവേഴ്സിറ്റികൾ, ചാരിറ്റബിൾ സ്ഥാപനങ്ങൾ എന്നിവയുടെ സബ്സ്ക്രിപ്ഷനായി ആഭ്യന്തര വിപണിയിൽ മാത്രമേ ബോണ്ട് വിൽപ്പനയ്ക്കുള്ളൂ.
സോവറിങ് സ്വർണ്ണ ബോണ്ടുകൾ ഒരു ഗ്രാം അടിസ്ഥാന യൂണിറ്റുള്ള സ്വർണ്ണത്തിന്റെ ഗുണിതങ്ങളായി കണക്കാക്കും. പലിശ പേയ്‌മെന്റ് തീയതികളുടെ അടിസ്ഥാനത്തിൽ അഞ്ച് വർഷത്തിന് ശേഷം എക്സിറ്റ് ഓപ്ഷനുമായും എട്ട് വർഷത്തേക്ക് ബോണ്ടിന്റെ കാലാവധിക്ക് ശേഷവും നിക്ഷേപം പിൻവലിക്കാം, ധനമന്ത്രാലയം പുറത്തിറക്കിയ പത്രക്കുറിപ്പിൽ വ്യക്തമാക്കി.
