കൊച്ചി: എംബിഎ വിദ്യാര്‍ത്ഥികള്‍ക്കായി ഐഡിഎഫ്സി ഫസ്റ്റ് ബാങ്ക് സ്‌കോളര്‍ഷിപ്പ് അവതരിപ്പിച്ചു. 2020 - 2022 ബാച്ച് എംബിഎ വിദ്യാര്‍ത്ഥികള്‍ക്കാണ് ഇതു നല്‍കുന്നത്. ഒരു വര്‍ഷം രണ്ടു ലക്ഷം രൂപയാണ് സ്‌കോളര്‍ഷിപ്പ് തുക. ബാങ്കിന്റെ സാമൂഹിക ഉത്തരവാദിത്ത പദ്ധതിയുടെ ഭാഗമായി ഈ വര്‍ഷം 150 സ്‌കോളര്‍ഷിപ്പുകളാണ് നല്‍കുന്നത്.
സാമ്പത്തികമായും സാമൂഹികമായും പിന്നാക്ക വിഭാഗത്തില്‍പ്പെട്ട വിദ്യാര്‍ത്ഥികള്‍ക്കാണ് അര്‍ഹത. കുടുംബ വാര്‍ഷിക വരുമാനം ആറ് ലക്ഷം രൂപയില്‍ കവിയാന്‍ പാടില്ല. ഇന്ത്യയിലെ ഏതെങ്കിലും ബിസിനസ് സ്‌കൂളില്‍ രണ്ടു വര്‍ഷ എംബിഎ കോഴ്‌സിന് പ്രവേശനം ലഭിച്ച വിദ്യാര്‍ത്ഥികള്‍ക്ക് അപേക്ഷിക്കാം. വെബ്സൈറ്റില്‍ ഓണ്‍ലൈനായി അപേക്ഷ സമര്‍പ്പിക്കാം. 2020 ജൂലൈ 31 ആണ് അവസാന തീയതി.
