ന്യൂഡല്‍ഹി: സെപ്റ്റംബറില്‍ ഇന്ത്യ നടത്തിയത് 3379 കോടി ഡോളറിന്റെ കയറ്റുമതി. തൊട്ടു മുന്‍ വര്‍ഷത്തെ കാലയളവുമായി താരതമ്യം ചെയ്യുമ്പോള്‍ 22.63 ശതമാനം വര്‍ധന രേഖപ്പെടുത്തിയിട്ടുണ്ട്. പ്രധാന മേഖലകളെല്ലാം നേട്ടം കൊയ്തിട്ടും കനത്ത ഇറക്കുമതി കാരണം വ്യാപാരക്കമ്മി 2259 കോടി ഡോളറായി കുതിച്ചുയര്‍ന്നു. ഇതു റെക്കോര്‍ഡ് ആണ്. പെട്രോളിയം, സ്വര്‍ണം ഇറക്കുമതിയിലെ വര്‍ധനയാണ് കനത്ത വ്യാപാരക്കമ്മിയുടെ മുഖ്യ കാരണം. 5639 കോടി ഡോളറിന്റെ ഇറക്കുമതിയാണ് കഴിഞ്ഞമാസം നടത്തിയത്. വര്‍ധന 84.77 ശതമാനം.
