ബെംഗളുരു: കൊറോണ വൈറസിന്റെ ആഗോള വ്യാപനത്തെത്തുടർന്ന് കടുത്ത പ്രതിസന്ധികൾ ഉണ്ടായിരുന്നിട്ടും, ഇന്ത്യൻ ഐടി സേവന സ്ഥാപനങ്ങൾ പ്രധാന തൊഴിലാളികളെയൊന്നും പിരിച്ച് വിടാൻ സാധ്യതയില്ല. പ്രശ്നത്തിന്റെ സംവേദനക്ഷമത കണക്കിലെടുത്താണ് ഈ തീരുമാനം. ഈ സമീപനം യു‌എസിലെ വൻകിട സ്ഥാപനങ്ങളായ സെയിൽ‌ഫോഴ്‌സ്, മോർഗൻ സ്റ്റാൻലി എന്നിവരുമായി യോജിക്കുന്നുണ്ട്. അവരുടെ ചീഫ് എക്സിക്യൂട്ടീവ് ഓഫീസർമാർ ജീവനക്കാരെ പിരിച്ചുവിടരുതെന്ന പൊതു നിലപാട് സ്വീകരിച്ചിട്ടുള്ളതുമാണ്. എന്നിരുന്നാലും ഇന്ത്യൻ ഐടി സ്ഥാപനങ്ങൾ അത്തരം ഒരു പ്രതിജ്ഞ പരസ്യമായി എടുക്കുമെന്ന് പ്രതീക്ഷിച്ചിരുന്നില്ല. യുഎസ് സ്ഥാപനങ്ങളിൽ നിന്ന് വ്യത്യസ്തമായി, ഇന്ത്യൻ ഐടി കമ്പനികൾക്ക് അതിന്റെ രാഷ്ട്രീയ സംവേദനക്ഷമത കാരണം പിരിച്ചുവിടൽ നയം സ്വീകരിക്കാൻ കഴിയുന്നില്ല. എന്നിരുന്നാലും പ്രകടനം മോശമായ ജീവനക്കാരെ പിരിച്ചുവിടുന്നത് സാധാരണമാണ്. അതേസമയം ആഗോളതലത്തിൽ, പ്രമുഖ കമ്പനികളായ സെയിൽസ്ഫോഴ്സ്, വിസ, മോർഗൻ സ്റ്റാൻലി, സിറ്റിഗ്രൂപ്പ്, ബാങ്ക് ഓഫ് അമേരിക്ക, ഫെഡെക്സ് എന്നിവയുടെ ചീഫ് എക്സിക്യൂട്ടീവ് ഓഫീസർമാർ 2020 ൽ കാര്യമായ പിരിച്ചുവിടലുകൾ നടത്തില്ലെന്ന് പ്രതിജ്ഞയെടുത്തു.
ഇന്ത്യയിൽ 65 ശതമാനം ജീവനക്കാരുമായി വേരുകളുറപ്പിച്ച കോഗ്നിസന്റ് പോലും അടിസ്ഥാന ശമ്പളത്തിന്റെ 25 ശതമാനം അധികമായി ഇന്ത്യയിലെ മിക്ക സ്റ്റാഫർമാർക്കും നൽകുമെന്ന് പ്രഖ്യാപിച്ചു. ബജാജ് ഓട്ടോ, വേദാന്ത ഗ്രൂപ്പ്, എസ്സാർ ഗ്രൂപ്പ് എന്നിവയുൾപ്പെടെ നിരവധി വൻകിട കോർപ്പറേഷനുകൾ തങ്ങളുടെ തൊഴിലാളികളുടെ എണ്ണം കുറയ്ക്കില്ലെന്ന് വ്യക്തമാക്കിയിട്ടുണ്ട്.
ഇന്ത്യൻ ഐടി സേവന സ്ഥാപനങ്ങളെ സംബന്ധിച്ചിടത്തോളം, അവരുടെ പ്രവർത്തന ചെലവിന്റെ 55-60 ശതമാനം വേതനമാണ്. അതിനാൽ, തൊഴിലാളികളുടെ എണ്ണം കുറയ്ക്കേണ്ടതില്ല എന്ന ഏത് തീരുമാനവും അവരുടെ സമ്പദ് ഘടനയെ പ്രതികൂലമായി ബാധിക്കും. എന്നിരുന്നാലും, ചില വിദഗ്ദ്ധർ പറയുന്നത് ജീവനക്കാരുടെ ഉപയോഗ നിലവാരവും ഏതെങ്കിലും പ്രോജക്റ്റുകളിൽ വിന്യസിച്ചിട്ടില്ലാത്ത റിസർവ് ജീവനക്കാരുടെ കരുത്തും കണക്കിലെടുക്കുമ്പോൾ, കമ്പനികൾക്ക് ഉണ്ടാകുന്ന പ്രതികൂലമായ ആഘാതം മെച്ചപ്പെട്ട നിലയിൽ തരണം ചെയാവുന്നതാണ്.
2019-20 വർഷത്തിൽ ഡിസംബർ അവസാനത്തോടെ ഇൻഫോസിസിന്റെ ഉപയോഗ നിലവാരം 85 ശതമാനത്തോളമാണ് (ട്രെയിനികളെ ഒഴികെ), വിപ്രോയ്ക്ക് ഇത് 80 ശതമാനത്തോളമാണ്. അതേസമയം മാർക്കറ്റ് ലീഡർ ടാറ്റ കൺസൾട്ടൻസി സർവീസസ് ഈ സാമ്പത്തിക വർഷത്തിന്റെ മൂന്നാം പാദത്തിലെ ഉപയോഗ നില വെളിപ്പെടുത്തിയിട്ടില്ല. മുംബൈ ആസ്ഥാനമായ സ്ഥാപനം ഈ പാദത്തിൽ ഉപയോഗ നിലവാരം ഉയർന്നതായി അറിയിച്ചിട്ടുണ്ട്. ശമ്പള വർദ്ധനവ്, ഇൻക്രിമെന്റുകൾ, വേരിയബിൾ പേഔട്ട് എന്നിവ നിർത്തിവയ്ക്കുമെന്നും പ്രതീക്ഷിക്കുന്നു.
സീനിയർ മാനേജ്‌മെന്റിന്റെ ശമ്പളത്തിന്റെ 40 ശതമാനമാണ് വേരിയബിൾ ശമ്പളം. നിലവിലെ സ്ഥിതി കണക്കിലെടുക്കുമ്പോൾ, നടപ്പ് സാമ്പത്തിക വർഷത്തിൽ വിൽപ്പന ലക്ഷ്യങ്ങൾ കൈവരിക്കാൻ സാധ്യതയില്ല. അതിനാൽ, ഇവയിൽ കുറവുണ്ടാകുമെന്ന് ഒരു മാനവ വിഭവശേഷി വിദഗ്ധൻ പറഞ്ഞു. ഈ മാസം മാത്രം 3-4 ബില്യൺ ഡോളർ വില വരുന്ന ഡീലുകൾ മാറ്റിവച്ചതായി റിപ്പോർട്ടുകൾ സൂചിപ്പിക്കുന്നതിനാൽ ഐടി സേവന വ്യവസായം മന്ദഗതിയിലാണ്.
