ഇന്ത്യയുടെ കയറ്റുമതി മൂല്യം ഈ സാമ്പത്തിക വര്‍ഷം 314 ബില്യണ്‍ യുഎസ് ഡോളര്‍ കടക്കുമെന്ന് പ്രതീക്ഷിക്കുന്നതായി കേന്ദ്ര വാണിജ്യ സെക്രട്ടറി അനുപ് വാധ്വാന്‍ പറഞ്ഞു.അതേ സമയം ഇത് പൂര്‍ണമായി നടപ്പിലാകണമെങ്കില്‍ വാണിജ്യ കയറ്റുമതി ചരിത്രത്തിലെ ഏറ്റവും ഉയര്‍ന്ന നിലയിലേക്കെത്തുകയും വേണം. എന്നാല്‍ സാമ്പത്തിക പിരഷ്‌കാരങ്ങളില്‍ നടപ്പിലാക്കിയ കാര്യങ്ങലെല്ലാം കയറ്റുമതി രംഗത്ത് ഗുണം ചെയ്തിട്ടുണ്ടെന്നാണ് വിലയിരുത്തല്‍. ഇത് ഇന്ത്യയുടെ കയറ്റുമതി മൂല്യം വര്‍ധിക്കുന്നതിന് കാരണമായിട്ടുണ്ടെന്നാണ് വിലയിരുത്തല്‍.
പെട്രോളിയം ഉത്പന്നങ്ങള്‍, ആഭരണങ്ങള്‍, രത്‌നങ്ങള്‍, ലെതര്‍ ഉല്‍പ്പന്നങ്ങള്‍, ടെക്‌സ്റ്റെല്‍സ്,ഫാര്‍മ, എന്‍ജിനീയറിംഗ് ഉല്‍പ്പന്നങ്ങള്‍ എന്നിവയാണ് പ്രധാനമായി ഇന്ത്യ കയറ്റുമതി ചെയ്യുന്ന ഉത്പന്നങ്ങള്‍.
കഴിഞ്ഞ വര്‍ഷങ്ങളിലായി കയറ്റുമതി രംഗത്ത് സ്ഥിരതയാര്‍ന്ന വളര്‍ച്ചയാണ് രാജ്യം കൈവരിച്ചതെന്നാണ് അദ്ദേഹം അഭിപ്രായപ്പെടുന്നത്. അതേ സമയം യുഎസും ചൈനയും തമ്മിലുള്ള വ്യാപാര സംഘര്‍ഷങ്ങളെല്ലാം ഇന്ത്യന്‍ വിപണിക്ക് വലിയ ഗുണമാണ് നല്‍കിയത്.
