ബംഗളുരു: സ്മാര്ട്ട്ഫോണ് നിര്മാതാക്കളായ ഇന്ഫിനിക്സും സ്മാര്ട്ട് ടിവി വിപണനത്തിലേക്ക് കടക്കുന്നു. അടുത്തവര്ഷം പകുതിയോടെയാകും കമ്പനി ഇന്ത്യന് വിപണിയില് സ്മാര്ട്ട് ടിവി പുറത്തിറക്കും. ഇതോടുകൂടി സ്മാര്ട്ട് ടിവി പുറത്തിറക്കുന്ന പ്രമുഖ സ്മാര്ട്ട്ഫോണ് നിര്മാതാക്കളായ ഷവോമി,മോട്ടോറോള,വണ്പ്ലസ് എന്നിവരുടെ നിരയിലേക്ക് ഇന്ഫിനിക്സും സ്ഥാനം നേടി. കമ്പനി സ്മാര്ട്ട് അക്സസറീസ് നിര വികസിപ്പിച്ചുകൊണ്ട് പുതിയ ഉല്പ്പന്ന വിഭാഗമായ സ്മാര്ട്ട് ടിവിയിലേക്ക് കടക്കുകയാണെന്ന് ഇന്ത്യയാണ് ആദ്യലക്ഷ്യമെന്നും ഇന്ഫിനിക്സ് ഇന്ത്യാ ചീഫ് എക്സിക്യൂട്ടീവ് ഓഫീസര് അനിഷ് കപൂര് വ്യക്തമാക്കി.
ചൈനയുടെ ട്രാന്സിഷന് ഗ്രൂപ്പിന്റെ ഭാഗമായ ഇന്ഫിനിക്സ് ഇന്ത്യയില് പതിനായിരം സ്മാര്ട്ട്ഫോണ് വിപണികളിലാണ് ശ്രദ്ധ പതിപ്പിച്ചിരിക്കുന്നത്. വണ് പ്ലസിന് രണ്ട് പ്രീമിയം സ്മാര്ട്ട് ടിവി മോഡലുകളാണ് ഇന്ത്യന് വിപണിയില് മാത്രമായുള്ളത്. അടുത്തിടെ ഫ്ളിപ്പ്കാര്ട്ടും നോക്കിയയും ചേര്ന്ന് ഇന്ത്യയില് സ്മാര്ട്ട് ടിവി പുറത്തിറക്കിയിരുന്നു. 12.5 ദശലക്ഷം യൂനിറ്റ് ടിവി പുറത്തിറങ്ങുന്ന ഇന്ത്യന് വിപണിയില് സാംസങ് ,സോണി,എല്ജി എന്നീ പ്രമുഖ ബ്രാന്റുകളാണ് വിപണി വിഹിതത്തില് നല്ലൊരുഭാഗം കയ്യാളുന്നത്. ഈ നിരയിലേക്കുള്ള ഇന്ഫിനിക്സിന്റെ വരവോടുകൂടി കടുത്ത മത്സരമാണ് സ്മാര്ട്ട് ടിവി മേഖലയില് പ്രതീക്ഷിക്കുന്നത്.
