ഇന്ഫോസിസിസിന്റെ സിഇഒ സലില് പരേഖിന് 2021 സാമ്പത്തിക വര്ഷത്തില് പ്രതിഫലമായി ലഭിച്ചത് 48.68 കോടി രൂപ. മുന്വര്ഷം 34.27 കോടിയായിരുന്നു അദ്ദേഹത്തിന് ലഭിച്ച പ്രതിഫലം. വര്ധനവാകട്ടെ 45 ശതമാനവും. ഇതില് 30.99 കോടി രൂപയും ലഭിച്ചത് ഓഹരികളായാണ്. 12.62 കോടി ബോണസായും 6.07 കോടി രൂപ ശമ്പളമായും ലഭിച്ചു. ചെയര്മാന് നന്ദന് നിലേകനി ഈ കാലയളവില് പ്രതിഫലമൊന്നും സ്വീകരിച്ചിട്ടില്ല.
ചീഫ് ഓപറേറ്റിങ് ഓഫീസറായ പ്രവീണ് റാവുവിന് ലഭിച്ചതാകട്ടെ 17.33 കോടി രൂപയുമാണ്. അദ്ദേഹത്തിന്റെ പ്രതിഫലത്തിലെ വര്ധന 63 ശതമാനമാണ്. പ്രസിഡന്റുമാരായ മൊഹിത് ജോഷി, രവി കുമാര് എന്നിവര് യഥാക്രമം 34.82 കോടിയും 25.54 കോടിയും ശമ്പളയിനത്തില് നേടി. ടിസിഎസിന്റെ സിഇഒ ആയ രാജേഷ് ഗോപിനാഥ് 2021 സാമ്പത്തിക വര്ഷത്തില് 20.04 കോടി രൂപയാണ് പ്രതിഫലമായി ലഭിച്ചത്. മുന്വര്ഷം 13 കോടിയായിരുന്നു.
# infosys,
# ഇന്ഫോസിസ്,
