ഐആര്‍സിടിസി ഓഹരി വില്‍പ്പന: സെപ്റ്റംബര്‍ 10 നകം ബിഡ് സമര്‍പ്പിക്കണം

August 22, 2020 |
|
News

                  ഐആര്‍സിടിസി ഓഹരി വില്‍പ്പന: സെപ്റ്റംബര്‍ 10 നകം ബിഡ് സമര്‍പ്പിക്കണം

മുംബൈ: കമ്പനി ഓഹരിയുടെ ഒരു ഭാഗം വില്‍ക്കാന്‍ സര്‍ക്കാര്‍ ബിഡ്ഡുകള്‍ ക്ഷണിച്ചതിനെത്തുടര്‍ന്ന് വെള്ളിയാഴ്ച ഐആര്‍സിടിസി ഓഹരികള്‍ ഒരു ശതമാനം ഉയര്‍ന്നു. നിക്ഷേപ, പൊതു അസറ്റ് മാനേജ്‌മെന്റ് വകുപ്പ് (ഡിപാം) ഇക്കാര്യത്തില്‍ പ്രൊപ്പോസലിനായി  ഔദ്യോഗിക അഭ്യര്‍ത്ഥന (ആര്‍ എഫ് ഒ) പുറപ്പെടുവിച്ചു.

ഇന്ത്യന്‍ റെയില്‍വേയുടെ കാറ്ററിംഗ്, ടിക്കറ്റിംഗ് സേവന വിഭാഗമാണ് ഐആര്‍സിടിസി (ഇന്ത്യന്‍ റെയില്‍വേ കാറ്ററിംഗ് ആന്‍ഡ് ടൂറിസം കോര്‍പ്പറേഷന്‍). ഐആര്‍സിടിസിയുടെ ഓഹരി വില 0.90 ശതമാനം ഉയര്‍ന്ന് കഴിഞ്ഞ ദിവസം 1,359 രൂപയിലെത്തി. സെക്യൂരിറ്റീസ് ആന്‍ഡ് എക്‌സ്‌ചേഞ്ച് ബോര്‍ഡ് ഓഫ് ഇന്ത്യ (സെബി) ചട്ടങ്ങള്‍ അനുസരിച്ച് സ്റ്റോക്ക് എക്‌സ്‌ചേഞ്ചുകള്‍ വഴി കേന്ദ്ര സര്‍ക്കാര്‍ ഓഫര്‍ ഫോര്‍ സെയില്‍ (ഒഎഫ്എസ്) രീതിയിലാണ് ഐആര്‍സിടിസിയുടെ ഓഹരികള്‍ വിറ്റഴിക്കുന്നത്.

ഔദ്യോഗിക അഭ്യര്‍ത്ഥന അനുസരിച്ച്, വ്യാപാരി ബാങ്കര്‍മാര്‍ സെപ്റ്റംബര്‍ 10 നകം ബിഡ് സമര്‍പ്പിക്കേണ്ടതുണ്ട്. നിലവില്‍ സര്‍ക്കാരിന് ഐആര്‍സിടിസിയില്‍ 87.40 ശതമാനം ഓഹരിയുണ്ട്. ക്യാപിറ്റല്‍ മാര്‍ക്കറ്റ് റെഗുലേറ്റര്‍ സെബിയുടെ പബ്ലിക് ഹോള്‍ഡിംഗ് മാനദണ്ഡങ്ങള്‍ പാലിക്കുന്നതിനായി കമ്പനിയിലെ ഓഹരി സര്‍ക്കാര്‍ 75 ശതമാനമായി കുറയ്ക്കണം. ഇതിന്റെ ഭാഗമായാണ് പുതിയ ഓഹരി വില്‍പ്പന.

News Desk

Author
mail: author@financialviews.in

Related Articles

© 2025 Financial Views. All Rights Reserved