കൊറോണ വൈറസ് നിയന്ത്രണങ്ങള്‍ കാരണം പുകവലിക്കാര്‍ സിഗരറ്റിന്റെ ഉപഭോഗം കുറച്ചിട്ടില്ല. ഐടിസി ലിമിറ്റഡിന്റെ ജൂണ്‍ പാദ ഫലങ്ങള്‍ അത് ശരിവയ്ക്കുന്നു. കമ്പനിയുടെ പ്രധാന ബിസിനസ്സായ സിഗരറ്റ് വരുമാനത്തിലും ലാഭത്തിലും കഴിഞ്ഞ പാദത്തിലേക്കാള്‍ മികച്ച പ്രകടനം കാഴ്ചവച്ചു. ഐടിസിയുടെ പേപ്പര്‍ബോര്‍ഡുകള്‍, പേപ്പര്‍, പാക്കേജിംഗ് ബിസിനസ്സ് എന്നിവയും മികച്ച നേട്ടം കൊയ്തു.
കമ്പനിയുടെ സിഗരറ്റ് വരുമാനം അനുകൂലമായ അടിത്തറയുടെ സഹായത്തോടെ പ്രതിവര്‍ഷം 33 ശതമാനം ഉയര്‍ന്നു. അതേസമയം മെയ് മാസത്തില്‍ ഐടിസി കടുത്ത സമ്മര്‍ദ്ദം നേരിട്ടിരുന്നു. ജൂണില്‍ പകുതി മുതല്‍ ആഴ്ചയില്‍ ആഴ്ചയില്‍ പുരോഗതി ഉണ്ടായിട്ടുണ്ട്. മിക്ക വിപണികളും സാധാരണ നിലയിലേക്ക് മടങ്ങുകയും ആദ്യ തരംഗവുമായി താരതമ്യപ്പെടുത്തുമ്പോള്‍ വേഗത്തില്‍ വീണ്ടെടുക്കുകയും ചെയ്തു.
