മുംബൈ: കല്‍പറ്റാരു പവര്‍ ട്രാന്‍സ്മിഷന്‍ ലിമിറ്റഡ് (കെപിടിഎല്‍), അലിപൂര്‍ദുര്‍ ട്രാന്‍സ്മിഷന്‍ ലിമിറ്റഡിനെ (എടിഎല്‍) അദാനി ട്രാന്‍സ്മിഷന്‍ ലിമിറ്റഡിന് വില്‍ക്കാനുള്ള 1,286 കോടി രൂപയുടെ കരാര്‍ ഒപ്പിട്ടതായി കമ്പനി എക്സ്ചേഞ്ച് ഫയലിംഗില്‍ അറിയിച്ചു.
ഭൂട്ടാനിലെ പുതിയ ജലവൈദ്യുത പദ്ധതികളില്‍ നിന്ന് ഇന്ത്യയിലേക്ക് വൈദ്യുതി ശക്തിപ്പെടുത്തുന്നതിനും കൈമാറുന്നതിനുമായി ഒരു അന്തര്‍സംസ്ഥാന ട്രാന്‍സ്മിഷന്‍ സംവിധാനത്തിന്റെ ഭാഗമായാണ് എടിഎല്‍ സ്ഥാപിച്ചത്. 325 കിലോമീറ്റര്‍-400 കെവി ട്രാന്‍സ്മിഷന്‍ ലൈനിന്റെ രൂപകല്‍പ്പന, ധനസഹായം, നിര്‍മ്മാണം, കമ്മീഷനിംഗ്, പ്രവര്‍ത്തനം, പരിപാലനം എന്നിവ പദ്ധതിയില്‍ ഉള്‍പ്പെടുന്നു.
ആര്‍ഇസി ട്രാന്‍സ്മിഷന്‍ പ്രോജക്റ്റ്‌സ് കമ്പനി ലിമിറ്റഡില്‍ നിന്ന് 35 വര്‍ഷത്തേക്ക് മത്സരാധിഷ്ഠിത ബിഡ്ഡിംഗ് പ്രക്രിയയിലൂടെ എടിഎല്‍ ഓപ്പറേറ്റ്-മാനേജുമെന്റ് അടിസ്ഥാനത്തില്‍ പദ്ധതി സ്വന്തമായി നേടിയിരുന്നു. കെപിടിഎല്ലിന്റെ പൂര്‍ണ ഉടമസ്ഥതയിലുള്ള ഉപസ്ഥാപനമാണ് എടിഎല്‍.
