തിരുവനന്തപുരം: കേരളബജറ്റില്‍ കൊച്ചി നഗരത്തിന്റെ സമഗ്രവികസനം ലക്ഷ്യമിട്ടുള്ള പദ്ധതികള്‍ ഇടംനേടിയിട്ടുണ്ട്. കൊച്ചിയില്‍ പരിസ്ഥിതി സൗഹൃദ നഗരഗതാഗതം പദ്ധതി നടപ്പാക്കും. നഗരത്തിന്റെ സമഗ്ര വികസനത്തിന് ആറായിരം കോടിരൂപയാണ് കേരളാബജറ്റില്‍ നീക്കിവെച്ചിരിക്കുന്നത്.
ഗതാഗത സൗകര്യങ്ങള്‍ വികസിപ്പിക്കാന്‍ കൊച്ചി മെട്രോപൊളീറ്റന്‍ അതോറിറ്റിക്കായി 2.5 കോടിരൂപയും ധനമന്ത്രി പ്രഖ്യാപിച്ചു. മെട്രോ,ജലഗതാഗതം,ബസ് എന്നിവയ്ക്ക് ഏകീകൃത ടിക്കറ്റ് സംവിധാനം നിലവില്‍ കൊണ്ടുവരും. കൊച്ചി-ഇടമണ്‍ ലൈന്‍ വഴി കൊണ്ടുവരാന്‍ സാധിക്കുന്ന വൈദ്യുതി 200 മെഗാവാട്ടിന് തുല്യമാണെന്നും ബജറ്റില്‍ ധനമന്ത്രി വ്യക്തമാക്കി.
