മുംബൈ: ജൂണ്‍ 30 ന് അവസാനിച്ച പാദത്തില്‍ കൊട്ടക് മഹീന്ദ്ര ബാങ്കിന്റെ അറ്റാദായം 8.51 ശതമാനം ഇടിഞ്ഞ് 1,244.45 കോടി രൂപയായി. മുന്‍ വര്‍ഷം സമാനകാലയളവില്‍ 1,360.20 കോടി രൂപയുടെ അറ്റാദായം രേഖപ്പെടുത്തിയ സ്ഥാനത്താണ് ഈ ഇടിവ്. വിപണി മൂലധനത്തിന്റെ അടിസ്ഥാനത്തില്‍ മുന്‍പന്തിയിലുളള കൊട്ടക് മഹീന്ദ്ര ബാങ്കിലെ ഓഹരികള്‍ വരുമാന പ്രഖ്യാപനത്തിന് ശേഷം ഏകദേശം മൂന്ന് ശതമാനം ഇടിഞ്ഞു.
ഏപ്രില്‍ മുതല്‍ ജൂണ്‍ വരെയുള്ള കാലയളവില്‍ മൊത്തം വരുമാനം 7,685.40 കോടി രൂപയായിരുന്നെന്ന് കോട്ടക് മഹീന്ദ്ര ബാങ്ക് വ്യക്തമാക്കി. കഴിഞ്ഞ വര്‍ഷത്തെ അപേക്ഷിച്ച് 3.26 ശതമാനമാണ് ഇടിവ്.
കൊട്ടക് മഹീന്ദ്ര ബാങ്കിന്റെ ആസ്തി നിലവാരം മോശമായി. 2020-21 സാമ്പത്തിക വര്‍ഷത്തിന്റെ ആദ്യ പാദത്തില്‍ 2.70 ശതമാനമായി മൊത്ത നിഷ്‌ക്രിയ ആസ്തികള്‍ (എന്‍പിഎ) ഉയര്‍ന്നു. മുന്‍ പാദത്തില്‍ ഇത് 2.25 ശതമാനമായിരുന്നു. 2019 ജൂണ്‍ 30 ന് അവസാനിച്ച പാദത്തില്‍ 2.19 ശതമാനമായിരുന്നു ഇത്.
