കൊട്ടക്കും ദി ഗാര്‍ഡിയന്‍സും റിയല്‍ എസ്റ്റേറ്റ് മേഖലയില്‍ ഒരുമിച്ച് പ്രവര്‍ത്തിക്കും.ഈ മേഖലയിലെ പദ്ധതികള്‍ക്കു വായ്പ ഉള്‍പ്പെടെയുള്ള സഹായങ്ങള്‍ ഈ സംയുക്ത സംരംഭത്തിന്റെ നേതൃത്വത്തില്‍ നല്‍കും. ബാങ്കിംഗ് മേഖലയില്‍ പ്രവര്‍ത്തിക്കുന്ന കൊട്ടക്കും റിയല്‍ എസ്റ്റേറ്റ് മേഖലയില്‍ പ്രവര്‍ത്തിക്കുന്ന കമ്പനിയായ ദി ഗാര്‍ഡിയന്‍സും ചേര്‍ന്ന് രൂപീകരിച്ച കൊട്ടക് റിയാല്‍റ്റി ഫണ്ട് 2000 കോടി രൂപ ഈ മേഖലയിലെ വായ്പ്പക്കായി നീക്കിവച്ചിട്ടുണ്ട്.
പ്രധാനമായും ഇടത്തരം ഡെവലപ്പര്‍മാരെയും ഭൂവുടമകളെയും ഉദ്ദേശിച്ചാണ് ഈ വായ്പ്പകള്‍ നല്‍കുന്നത്. ഇവരുടെ ആസ്തികള്‍ വികസിപ്പിക്കുന്നതിനും ധനസമ്പാദനം കൂടുതല്‍ സുഗമമാക്കുന്നതിനും ഈ ഫണ്ടിലൂടെ സഹായിക്കുമെന്ന് ഇരു കമ്പനികളും കരുതുന്നു. ഈ മേഖലയില്‍ നിക്ഷേപകരെ കണ്ടെത്തി അവര്‍ക്കു വേണ്ട ധന സഹായങ്ങള്‍ നല്‍കുവാനും പദ്ധതിയിട്ടിട്ടുണ്ട്. ഇതുവഴി റിയല്‍എസ്റ്റേറ്റ് കച്ചവടത്തിലെ സാമ്പത്തിക പ്രതിസന്ധി മറികടക്കാന്‍ നിക്ഷേപകരെയും റിയല്‍ എസ്റ്റേറ്റ് കച്ചവടക്കാരെയും സഹായിക്കും. സര്‍ക്കാര്‍ കണക്കുകള്‍ പ്രകാരം 4.58 ലക്ഷം മുടങ്ങിക്കിടക്കുന്ന ഭവന യൂണിറ്റുകള്‍ രാജ്യത്തുടനീളമുണ്ട്. കൊട്ടക്-ഗാര്‍ഡിയന്‍ സംയുക്ത സംരംഭം ഈ സാമ്പത്തിക പ്രതിസന്ധിക്ക് പരിഹാരം കാണാനും പിന്തുണ നല്‍കും.
