ന്യൂഡല്‍ഹി: വാണിജ്യ പാചകവാതക സിലിണ്ടറിന്റെ വില കുറച്ചു. 19 കിലോ സിലിണ്ടറിന്റെ വില 101 രൂപയാണ് കുറച്ചിട്ടുള്ളത്. ഇതോടെ സിലിണ്ടര്‍ വില 1902.50 രൂപയായി. ഗാര്‍ഹിക ഉപഭോക്താക്കള്‍ക്ക് വിതരണം ചെയ്യുന്ന സിലിണ്ടറിന്റെ വിലയില്‍ മാറ്റമില്ല. ഈ വര്‍ഷം ജനുവരി ആദ്യവും വാണിജ്യ ആവശ്യങ്ങള്‍ക്കുള്ള സിലിണ്ടര്‍ വില കുറച്ചിരുന്നു. 19 കിലോ എല്‍പിജി സിലിണ്ടറിന് 102.50 രൂപ ആണ് അന്ന് കുറച്ചത്. ഡിസംബറില്‍ 101 രൂപയും നവംബറില്‍ 266 രൂപ കൂട്ടിയതിന് പിന്നാലെയാണ് തുടര്‍ച്ചയായി രണ്ട് മാസങ്ങളില്‍ വില കുറച്ചത്. ഗാര്‍ഹിക ഉപഭോക്താക്കള്‍ക്ക് വിതരണം ചെയ്യുന്ന സിലിണ്ടറിന്റെ വിലയില്‍ മാറ്റമില്ല.
