ന്യൂഡല്‍ഹി: രാജ്യത്തെ പത്ത് പൊതുമേഖല ബാങ്കുകളെ ലയിപ്പിക്കാനുള്ള നീക്കവുമായി കേന്ദ്ര സര്‍ക്കാര്‍. പത്ത് പൊതുമേഖല ബാങ്കുകളെ നാല് ഏകീകൃത ബാങ്കുകളിലേക്ക് ലയിപ്പിക്കുകയാണെന്ന് കേന്ദ്ര ധനകാര്യ മന്ത്രി നിര്‍മ്മല സീതാരാമന്‍ ബുധനാഴ്ച പ്രസ്താവിച്ചു. ഇത് സംബന്ധിച്ച് യാതൊരുവിധ അനിശ്ചിതത്വവും ഇല്ലെന്നും കൂട്ടിച്ചേര്‍ത്തു.
'നമ്മള്‍ ബാങ്കുകള്‍ ലയിപ്പിക്കുന്ന പാതയിലാണ്. ലയനവുമായി ബന്ധപ്പെട്ട ബാങ്കിംഗ് പ്രക്രിയകള്‍ എല്ലാം പുരോഗമിച്ചു വരുകയാണ്. യാതൊരു വിധ ഊഹങ്ങളുടേയും ആവിശ്യമില്ല. ഷെഡ്യൂളുകള്‍ അനുസരിച്ചാണ് നീങ്ങുന്നത്. ഒരു അനിശ്ചിതത്വവും നിലവിലില്ല' എന്നും പൊതുമേഖല ബാങ്കുകളുടെ മേധാവികളുമായി നടത്തിയ ചര്‍ച്ചയില്‍ നിര്‍മ്മല സീതാരാമന്‍ പറഞ്ഞു.
