മുംബൈ: പ്രശസ്ത വജ്രവ്യാപാരി ഓഫീസ് കെട്ടിടത്തിന്റെ പതിനഞ്ചാംനിലയില് നിന്ന് ചാടി മരിച്ചു. ധിരണ് ഷായാണ് സൗത്ത് മുംബൈയിലെ ഓഫീസ് കെട്ടിടത്തിന്റെ മുകളില് നിന്ന് ചാടി മരിച്ചത്. റിനൈസന്സ് ഗ്ലോബല് 2010ല് ഏറ്റെടുത്ത ലിസ്റ്റഡ് കമ്പനിയായ എന് കുമാര് ഡയമണ്ടിന്റെ പാട്ണറായിരുന്നു അദേഹം.
മൃതദേഹത്തില് നിന്ന് ആത്മഹത്യാകുറിപ്പ് കണ്ടെടുത്തായി പോലിസ് അറിയിച്ചു. തന്റെ മരണത്തിന് ആരും ഉത്തരവാദിയല്ലെന്നാണ് ആത്മഹത്യാകുറിപ്പ്. വജ്രവ്യാപാരമേഖലയില് കഠിനപ്രയത്നം കൊണ്ട് ഉയര്ന്നുവന്ന വ്യാപാരിയായിരുന്നു ധിരണ് ഷാ. അദേഹം വിഷാദരോഗിയായിരുന്നുവെന്നും റിപ്പോര്ട്ടുകളുണ്ട്. അതേസമയം അദേഹത്തിന്റെ മരണത്തില് പോലിസ് അന്വേഷണം ആരംഭിച്ചു.
