ന്യൂഡല്‍ഹി: ഓണ്‍ലൈന്‍ ഫാഷന്‍ റീടെയ്ലറായ മിന്ത്ര വന്‍ ഫാഷന്‍ ഫെസ്റ്റിവലിന് ഒരുങ്ങുന്നു. നാല് കോടി ഉപഭോക്താക്കളിലേക്ക് വിപണനത്തിലൂടെ എത്തിച്ചേരുകയാണ് ലക്ഷ്യം. ഇതിലൂടെ വിപണി വിഹിതത്തില്‍ വന്‍ വര്‍ധന ഉണ്ടാകുമെന്നാണ് കമ്പനിയുടെ പ്രതീക്ഷ. ഓണ്‍ലൈന്‍ വിപണിയിലെ ജനത്തിന്റെ ഇടപാടുകളിലെ വളര്‍ച്ചയിലാണ് പ്രതീക്ഷ മുഴുവനും.
ഈ വാരാന്ത്യത്തില്‍ തന്നെ ഒന്‍പത് ലക്ഷം സ്‌റ്റൈലുകളിലായി മൂവായിരത്തിലധികം ബ്രാന്റുകളെ മിന്ത്ര അവതരിപ്പിക്കും. ഞായറാഴ്ച തുടങ്ങി അഞ്ച് ദിവസം ഫെസ്റ്റിവല്‍ നീണ്ട് നില്‍ക്കും. 20000 കടയുടമകളുണ്ടാവും. 27000 പിന്‍ കോഡുകളില്‍ വിപണനം എത്തിക്കുകയാണ് ലക്ഷ്യം. ഒരു മിനിറ്റില്‍ 20000 ഓര്‍ഡറുകളാണ് ഏറ്റവും ഉയര്‍ന്ന വിപണന സമയത്ത് വാള്‍മാര്‍ട്ടിന്റെ ഉടമസ്ഥതയിലുള്ള കമ്പനി പ്രതീക്ഷിക്കുന്നത്.
ഫെസ്റ്റിവലിന്റെ 13ാമത് എഡിഷനാണിത്. ഫാഷന്‍ ഫെസ്റ്റിവല്‍ സമയത്ത് 65 ശതമാനം അധിക ഉപഭോക്തൃ വളര്‍ച്ചയാണ് കമ്പനി പ്രതീക്ഷിക്കുന്നത്. ഇന്ത്യയിലെ 30 കൈത്തറി ബ്രാന്റുകളില്‍ നിന്നായി 6500 ലധികം ഉല്‍പ്പന്നങ്ങളും വിപണനം ചെയ്യും.
