ലണ്ടന്: നീരവ് മോദിയെ പ്രവേശിപ്പിച്ചത് ലണ്ടനിലെ ഏറ്റവും തിരക്കുള്ള ഭീകര ജയില് മുറിയിലെന്ന് റിപ്പോര്ട്ട്. ബ്രിട്ടനില് ഏറ്റവും കൂടുതല് തടവുകാരുള്ളതും കൊടും കുറ്റവാളികള് ഉള്ളതുമായ ദക്ഷിണ- പടിഞ്ഞാറന് ജയിലിലാണ് നീരവ് മോദിയെ പാര്പ്പിച്ചത്. പഞ്ചാബ് നാഷണല് ബാങ്കില് നിന്ന് വ്യാജ രേഖകള് ഉണ്ടാക്കി 13500 കോടി രൂപ വായ്പയെടുത്ത് മുങ്ങിയ കേസിലാണ് നീരവ് മോദിയെ ലണ്ടനിലെ ഏറ്റവും വലിയ ജയിലില് പാര്പ്പിച്ചത്. ജയിലില് 1428 കോടും കുറ്റവാളികളാണുള്ളത്.
ഈ മാസം 29 വരെ ജയിലില് കഴിയേണ്ടി വരുമെന്നാണ് സൂചന. കൊടും കുറ്റവാളികളുടെ തടവറയില് വെള്ള ട്രൗസറും ഷേര്ട്ടും ധരിച്ചാണ് നീരവ് മോദി കഴിഞ്ഞു കൂടുന്നത്. നീരവ് മോദിയെ പ്രത്യേക സെല്ലിലാണ് പാര്പ്പിച്ചിരിക്കുന്നത്. മോദിയെ ചോദ്യം ചെയ്യാനായി പോലീസ് ഉദ്യോഗസ്ഥര് ജയിലിലേക്ക് എത്തുമെന്നും വാര്ത്തയുണ്ട്.
ലണ്ടനില് സുഖവാസത്തില് കഴിയുന്ന നീരവ് മോദിയെ അറസ്റ്റ് ചെയ്യാന് ഇന്ത്യന് അന്വേഷണ ഏജന്സികള് വലിയ ഇടപെടലാണ് നടത്തിയിട്ടുള്ളത്. അറസ്റ്റിലാകുന്ന സമയത്ത് നീരവ് മോദി ആഢംബര ജീവിതമാണ് ലണ്ടനില് നയിച്ചിരുന്നത്. ഫോബ്സ് പുറത്തുവിട്ട കണക്കുകള് പ്രകാരം ഇന്ത്യയിലെ സമ്പന്നരുടെ പട്ടികയില് ഇടം നേടിയ വ്യാപാരിയാണ് നീരവ് മോദി. ഏകദേശം 175 കോടി ഡോളറാണ് നീരവ് മോദിയുടെ ആസ്തി.
