ന്യൂഡല്‍ഹി: ക്രിപ്റ്റോ കറന്‍സി നിരോധിക്കണമെന്ന ആവശ്യം ശക്തമാകുന്നു. ക്രിപ്റ്റോ കറന്‍സിയുമായി ബന്ധപ്പെട്ട് പ്രത്യേകം രൂപീകരിച്ച മന്ത്രാലയത്തിന്റെ റിപ്പോര്‍ട്ടിലാണ് ഇക്കാര്യം വ്യക്തമാക്കിയിട്ടുള്ളത്. അതേസമയം ക്രിപ്റ്റോ കറന്‍സി ഇടപാടുകള്‍ തട്ടിപ്പുകള്‍ കൂടുതലാണെന്നും, ഇടപാടുകളില്‍ സത്യസന്ധതയോ സുതാര്യതയോ ഇല്ലെന്ന ആരോപണവും ഉയര്‍ന്നുവരുന്നുണ്ടെന്നാണ് റിപ്പോര്‍ട്ടിലൂടെ പ്രധാനമായും ചൂണ്ടിക്കാട്ടുന്നത്. ആര്‍ബിഐയുടെ നിയന്ത്രണത്തില്‍ ശക്തമായ ഡിജിറ്റല്‍ കറന്‍സി പുറത്തിറക്കണമെന്നും റിപ്പോര്‍ട്ടിലൂടെ വ്യക്തമാക്കുന്നു. ക്രിപ്റ്റോ കറന്‍സി ഇടപാടില്‍ നികുതി തട്ടിപ്പുകളെല്ലാം വ്യാപകണമെന്നാണ് റിപ്പോര്‍ട്ടിലൂടെ ചൂണ്ടിക്കാട്ടുന്നത്. നിയമ സംവിധാനങ്ങളോ, ഇടപാട് നിയമങ്ങളോ ക്രിപ്റ്റോ കറന്‍സിയില്‍ ഇല്ലാത്തത് മൂലമാണ് അമേരിക്ക അടക്കമുള്ള വിവിധ രാജ്യങ്ങള്‍ ക്രിപ്റ്റോ കറന്‍സിക്കെതിരെ ശക്തമായ നിലപാട് സ്വീകരിച്ചുവരുന്നത്. സമീപ കാലത്ത് ക്രിപ്റ്റോ കറന്‍സിയുടെ മൂല്യത്തില്‍ വന്‍ ഇടിവ് വന്നിട്ടുണ്ട്. അന്താരാഷ്ട്ര തലത്തില്‍ ക്രിപ്റ്റോ കറന്‍സിക്കെതിരെ അമേരിക്ക ശക്തമായ നിലപാട് സ്വീകരിച്ചത് മൂലമാണ് ക്രിപ്റ്റോ കറന്‍സിയുടെ മൂല്യം തകര്‍ച്ചയിലേക്ക് കൂപ്പു കുത്തിയിട്ടുള്ളത്.
ഫിനാന്‍സ് സെക്രട്ടറി സുഭാഷ് ചന്ദ്ര നേതൃത്വം വഹിക്കുന്ന മന്ത്രാലയ സമിതിയാണ് ക്രിപ്റ്റോ കറന്‍സി ഇടപാടുകള്‍ രാജ്യത്ത് നിരോധിക്കണമെന്ന ആവശ്യം ഇപ്പോള്‍ മുന്നോട്ടുവെച്ചിട്ടുള്ളത്. അതേസമയം ക്രിപ്റ്റോ കറന്‍സി ഇടപാടുകള്‍ നടത്തുന്നവര്‍ക്കെതിരെ കേന്ദ്രസര്‍ക്കാര്‍ ശക്തമായ നിയമങ്ങള്‍ നടപ്പിലാക്കാനാണ് ഇപ്പോള്‍ ആലോചിച്ചിട്ടുള്ളത്. ഇടപാടുകള്‍ നടത്തുന്നവര്‍ക്കെതിരെ കേന്ദ്രസര്‍ക്കാര്‍ നിയമങ്ങള്‍ കര്‍ശനമാക്കാൃനും ആരലോചിക്കുന്നുണ്ട്. ക്രിപ്റ്റോ കറന്‍സി ഇടപാടില്‍ തട്ടിപ്പുകള്‍ വ്യാപകമായി നടക്കുന്നുണ്ടെന്ന കണ്ടെത്തലിന്റെ അടിസ്ഥാനത്തിലാണ് കേന്ദ്രസര്‍ക്കാര്‍ പുതിയ നിയമം ക്രിപ്റ്റോ കറന്‍സി ഇടപാടില്‍ കൊണ്ടുവരാന്‍ പോകുന്നത്.
ക്രിപ്റ്റോ കറന്‍സികളായ ബിറ്റ് കോയിന്‍ ഉള്‍പ്പടെയുള്ള ഡിജിറ്റല്‍ കറന്‍സികള്‍ വാങ്ങുകയോ വില്‍ക്കുകയോ ചെയ്താല്‍ പരമാവധി 10 വര്‍ഷം വരെ ജയില്‍ ശിക്ഷ ഉറപ്പുവരുത്തുന്ന നിയമമാണ് കേന്ദ്രസര്‍ക്കാര്‍ രാജ്യവ്യാപകമായി കൊണ്ടുവരാന്‍ പോകുന്നത്. ഇടപാടില്‍ പൂര്‍ണമായും ജാമ്യവ്യവസ്ഥകള്‍ എടുത്തുകളയും ചെയ്യുന്ന നിയമമാണ് കേന്ദ്രസര്‍ക്കാര്‍ നടപ്പിലാക്കാന്‍ ഉദ്ദേശിച്ചുള്ളത്. അേേതസമയം ടെക് ഭീമനായ ഫെയ്‌സ്ബുക്ക് അടുത്തവര്‍ഷം പുതകിയ ക്രിപ്റ്റോ കറന്‍സി പുറത്തിറക്കുകയും ചെയ്യും. ഈ സാഹചര്യത്തിലാണ് കേന്ദ്രസര്‍ക്കാര്‍ നിയമങ്ങള്‍ കര്‍ശനമാക്കാന്‍ ആലോചിച്ചുട്ടുള്ളത്.
2018ലാണ് ക്രിപ്റ്റോ കറന്‍സിയുമായി ബന്ധപ്പെട്ട ഇടപാടുകളെ പറ്റി പഠിക്കാന്‍ കേന്ദ്രസര്‍ക്കാര്‍ പുതിയ സമിതിയെ നിയോഗിച്ചത്. തട്ടിപ്പുകള്‍ വ്യാപകമായി നടക്കുന്നുണ്ടെന്ന പരാതിയിലാണ് കേന്ദ്രസര്‍ക്കാര്‍ അന്ന് പുതിയ സമിതിയെ നിയോഗിച്ചത്. സാമ്പത്തിക കാര്യ സെക്രട്ടിയായിരുന്ന സുഭാഷ് ചന്ദ്ര ഗാര്‍ഗ് ആണ് സമിതിയുടെ തലപ്പത്തിരിക്കുന്ന പ്രമുഖ വ്യക്തി. സാമ്പത്തിക വിദഗ്ധരും, നിയമ വിദഗ്ധരും, അന്വേഷണ ഏജന്‍കളുടെ പ്രതിനിധികളെയുമാണ് സമിതിയില്‍ കേന്ദ്രസര്‍ക്കാര്‍ ഉള്‍പ്പെടുത്തിയിരുന്നത്.
