ന്യൂഡല്ഹി: തുടര്ച്ചയായി ഏഴാമത്തെ ദിവസവും പെട്രോള്, ഡീസല് വില വര്ധിപ്പിച്ചു. പെട്രോളിന് 59 പൈസയും ഡീസലിന് 55 പൈസയുമാണ് ശനിയാഴ്ച കൂട്ടിയത്. ഇതോടെ പെട്രോളിന് 3.91 രൂപയും ഡീസലിന് 3.81 രൂപയുമാണ് ഏഴുദിവസം കൊണ്ടു വര്ധിച്ചത്. ഡല്ഹിയില് പെട്രോള് വില ലിറ്ററിന് 75.16 രൂപയായി. ഡീസലിനാകട്ടെ 73.39 രൂപയും.
ഇന്ത്യന് ഓയില് കോര്പറേഷന്റെ വെബ്സൈറ്റ് പ്രകാരം മുംബൈയില് പെട്രോള് വില ലിറ്ററിന് 82 രൂപ കടന്നു. ആഗോള വിപണിയില് അസംസ്കൃത എണ്ണ വിലയില് നേരിയ കുറവുണ്ടായി. 82 ദിവസത്തെ ഇടവേളയ്ക്കു ശേഷം കഴിഞ്ഞ ഞായറാഴ്ചയാണ് വില കൂട്ടാന് തുടങ്ങിയത്. ലോക്ക്ഡൗണ് നിയന്ത്രണങ്ങളില് ഇളവ് വന്നതോടെ വാഹനങ്ങള് നിരത്തിലിറങ്ങുകയും സമ്പദ് വ്യവസ്ഥ തുറക്കുകയും ചെയ്തതിന് പിന്നാലെയാണ് വില വര്ധനവുണ്ടായിക്കൊണ്ടിരിക്കുന്നത്.
