ന്യൂഡല്‍ഹി: പെട്രോള്‍, ഡീസല്‍ വിലയിടിഞ്ഞു. 2016 ഫെബ്രുവരിയ്ക്ക് ശേഷം ഏറ്റവും കുറഞ്ഞ നിരക്കാണിത്. സൗദി അറേബ്യയും റഷ്യയും തമ്മിലുള്ള വിലയിലുള്ള യുദ്ധം മൂലം ക്രൂഡ് ഓയില്‍ നിരക്ക് ഏറ്റവും താഴ്ന്ന നിലയിലായപ്പോള്‍, പെട്രോള്‍, ഡീസല്‍ വില യഥാക്രമം ലിറ്ററിന് 30 പൈസയും ലിറ്ററിന് 25 പൈസയും കുറച്ചു. ആഗോള സാമ്പത്തിക പ്രതിസന്ധിയും കൊറോണ സാഹചര്യങ്ങളും നിലനില്‍ക്കുന്നതിനാല്‍ എണ്ണ വില ഇനിയും ഇടിയാനുള്ള സാധ്യതയുണ്ട്.
ദില്ലിയില്‍ ഒരു ലിറ്റര്‍ പെട്രോളിന് 70.29 രൂപയും ഡീസലിന് ലിറ്ററിന് 63.01 രൂപയുമാണ് വില. മുംബൈയില്‍ പെട്രോള്‍ ലിറ്ററിന് 75.99 രൂപയും ഡീസലിന് ലിറ്ററിന് 65.97 രൂപയുമാണ് നിലവില്‍്. ചെന്നൈയില്‍ ഒരു ലിറ്റര്‍ പെട്രോളിന് 73.02 രൂപ വില വരും. എന്നാല്‍ ഡീസലിന് ഇപ്പോള്‍ ലിറ്ററിന് 66.48 രൂപയുമാണ് വില. ബെംഗളൂരുവില്‍ പെട്രോള്‍ ഇപ്പോള്‍ 72.70 രൂപയിലും ഡീസല്‍ 65.16 രൂപയിലും വില്‍ക്കുന്നു. ഹൈദരാബാദില്‍ പെട്രോള്‍ പമ്പുകള്‍ക്ക് 74.72 രൂപയും ഡീസലിന് 68.60 രൂപയും ഈടാക്കുന്നുണ്ട്.
പെട്രോള്‍, ഡീസല്‍ വിലയെക്കുറിച്ച് അറിയേണ്ട അഞ്ച് കാര്യങ്ങള്‍
1) ഫെബ്രുവരി 27 ന് ശേഷം 2020 ല്‍ ഇതുവരെ ഇന്ധന നിരക്ക് ലിറ്ററിന് 5 രൂപ കുറഞ്ഞു. പെട്രോള്‍, ഡീസല്‍ വില ഇപ്പോള്‍ 8-9 മാസത്തെ ഏറ്റവും താഴ്ന്ന നിലയിലാണ്.
2) നിലവിലെ റീട്ടെയില്‍ വിലകള്‍ ഇന്നലത്തെ ക്രൂഡ് ഓയില്‍ നിരക്കിലുള്ള 30% ഇടിവ് പ്രതിഫലിപ്പിക്കുന്നില്ല. കാരണം എണ്ണ കമ്പനികള്‍ അന്താരാഷ്ട്ര ബെഞ്ച്മാര്‍ക്ക് നിരക്കിന്റെ 15 ദിവസത്തെ ശരാശരി കണക്കിലെടുക്കുന്നു. എണ്ണ, കറന്‍സി വിപണിയിലെ ചാഞ്ചാട്ടം കണക്കിലെടുക്കുമ്പോള്‍, ഇന്ധനവിലയിലെ വര്‍ദ്ധനവോ കുറവോ ഏതാനും ദിവസങ്ങള്‍ക്കുള്ളില്‍ സ്തംഭിക്കാന്‍ സാധ്യകയുണ്ട്.
3) ക്രൂഡ് ഓയില്‍ വില ഇന്നലെ 25% ഇടിവോടെ അവസാനിച്ചെങ്കിലും ഇന്ന് 6% വീണ്ടെടുത്തു. കൊറോണ വൈറസ് പൊട്ടിപ്പുറപ്പെട്ടതിനെത്തുടര്‍ന്ന് ആവശ്യം കുറഞ്ഞുകൊണ്ടിരിക്കെ, സൗദി അറേബ്യയും റഷ്യയും തമ്മിലുള്ള വിലയിലുള്ള യുദ്ധം 1991 ലെ ഗള്‍ഫ് യുദ്ധത്തിനുശേഷം വിപണിയിലെ ഏറ്റവും വലിയ വഴിത്തിരിവിന് കാരണമായി.
4) ബ്രെന്റ് ക്രൂഡ് ഫ്യൂച്ചേഴ്‌സ് ബാരലിന് 2.36 ഡോളര്‍ അഥവാ 6.9 ശതമാനം ഉയര്‍ന്ന് 36.72 ഡോളറിലെത്തി. യുഎസ് വെസ്റ്റ് ടെക്‌സസ് ഇന്റര്‍മീഡിയറ്റ് (ഡബ്ല്യുടിഐ) ക്രൂഡ് 1.87 ഡോളര്‍ അഥവാ 6 ശതമാനം ഉയര്‍ന്ന് 33.00 ഡോളറിലെത്തി.
5) ക്രൂഡ് ഓയില്‍ നിരക്കിനനുസരിച്ച് ഇന്ധനവില കുറയ്ക്കാത്തതില്‍ ഇന്ത്യയിലെ പ്രതിപക്ഷം കേന്ദ്രത്തെ കുറ്റപ്പെടുത്തി. ക്രൂഡ് ഓയില്‍ എക്കാലത്തെയും താഴ്ന്ന നിരക്കായ ബാരലിന് 32 ഡോളറായി കുറഞ്ഞു. എന്നാല്‍ പെട്രോള്‍, ഡീസല്‍ എന്നിവ യഥാക്രമം ലിറ്ററിന് 74 രൂപയും 64 രൂപയുമായിയാണ് ഇപ്പോഴും ഇന്ത്യയില്‍ വില്‍ക്കുന്നത്.
