തിരുവനന്തപുരം: കേരളത്തില് 200 കോടി രൂപയുടെ നിക്ഷേപം നടത്തുമെന്ന് സുഗന്ധ വ്യഞ്ജന സത്ത് നിര്മാതാക്കളായ പ്ലാന്റ് ലിപിഡ്സ്. പുതിയ പ്ലാന്റുകള് സ്ഥാപിക്കാനും നിലവിലെ സംരംഭം വികസിപ്പിക്കാനുമാണ് തുക വിനിയോഗിക്കുകയെന്നും 5 വര്ഷത്തിനുള്ളില് പദ്ധതി പൂര്ത്തിയാകുമെന്നും മന്ത്രി പി.രാജീവുമായി നടത്തിയ ചര്ച്ചയില് കമ്പനി അധികൃതര് അറിയിച്ചു. ലോകത്തെ ഏറ്റവും വലിയ സൂപ്പര് ക്രിട്ടിക്കല് എക്സ്ട്രാക്ഷന് പ്ലാന്റുകളിലൊന്നാണ് കോലഞ്ചേരിയില് നിര്മിക്കുന്നത്.
ഇതോടൊപ്പം നാച്വറല് ഫുഡ് കളര് , നാച്വറല് പ്രോഡക്ട്സ് എക്സ്ട്രാക്ഷന് പ്ലാന്റുകളും ഡിവിഷനുകളും സ്ഥാപിക്കും. 60 കോടി രൂപയുടെ വികസന പദ്ധതി നിലവില് പുരോഗമിക്കുകയാണ്. അടുത്ത സാമ്പത്തിക വര്ഷം 60 കോടി രൂപയും 2026ല് 80 കോടി രൂപയും നിക്ഷേപിക്കും. ലോകത്തെ ഏറ്റവും വലിയ സ്പൈസ് ഓയില് ഉല്പാദകരിലൊന്നാണ് പ്ലാന്റ് ലിപിഡ്സ്. കോലഞ്ചേരി ആസ്ഥാനമായ കമ്പനി 90 രാജ്യങ്ങളിലേക്ക് സുഗന്ധ വ്യഞ്ജന സത്ത് കയറ്റുമതി ചെയ്യുന്നുണ്ട്.
