ന്യൂഡല്‍ഹി: പ്രധാനമന്ത്രി നരേന്ദ്ര മോദി ഒക്ടോബര്‍ 27,28 തീയ്യതികളില്‍ സൗദി അറേബ്യ സന്ദര്‍ശിച്ചേക്കുമെന്ന് റപ്പോര്‍ട്ട്. മോദിയുടെ വരവിനായി സൗദിയില്‍ വിപുലമായ സജ്ജീകരണമാണ് ഒരുക്കാന്‍ പോകുന്നത്. അതേസമയം സൗദി അരാംകോയ്ക്ക് നേരെ ഹൂതി വിമര്‍ നടത്തിയ ആക്രമണത്തില്‍ ഇന്ത്യക്ക് സൗദി നല്‍കിവരുന്ന എണ്ണയുടെ അളവില്‍ ഭീമമായ കുറവാണ് ഇപ്പോള്‍ ഉണ്ടായിട്ടുള്ളത്. ഇന്ത്യയിലേക്ക് എണ്ണ വിതരണം സുഗമമാക്കുന്നതിനും, സൗദിയില്‍ നിന്ന് കുറഞ്ഞ വിലയ്ക്ക് എണ്ണ എത്തിക്കുന്നതടക്കമുള്ള കാര്യങ്ങളിലാകും പ്രധാനമന്ത്രിയുടെ സന്ദര്‍ശനത്തിന്റെ പ്രധാന ലക്ഷ്യം. ഇന്ത്യയും സൗദിയും തമ്മിലുള്ള നയതന്ത്ര ബന്ധം ശക്തിപ്പെടുത്തുക, സാമ്പത്തിക സഹകരണം കൂടുതല്‍ വിപുലീകരിക്കുക എന്നീ കാര്യങ്ങളിലാണ് പ്രധാന ശ്രദ്ധ.
പുതിയ വ്യാപാര കരാറുകളില്‍ ഇരുരാഷ്ട്രങ്ങളും തമ്മില്‍ ഒപ്പുവെച്ചേക്കും. പ്രധാനമന്ത്രി നരേന്ദ്ര മോദി സൗദി സന്ദര്‍ശിക്കുന്ന കാര്യം ഇന്ത്യന്‍ എംബസി സ്ഥിരീകരിച്ചിട്ടുണ്ട്. എന്നാല്‍ സൗദി അരാംകോയ്ക്ക് നേര ഹൂതി വിമതര്‍ നടത്തിയ ആക്രമണം മൂലം ഇന്ത്യക്ക് എണ്ണ ഇറക്കുമതിയില്‍ ഭീമമായ ചിലവാണ് അധികരിച്ചിട്ടുള്ളത്. എണ്ണ ഇറക്കുമതിച്ചിലവ് അധികരിച്ചാല്‍ വ്യാപാര കമ്മി പിടിച്ചുനിര്‍ത്തുക അത്ര എളുപ്പമല്ല. രാജ്യം സാമ്പത്തിക മാന്ദ്യം നേരിടുന്ന സാഹചര്യത്തില്‍ എണ്ണ വില പിടിച്ചുനിര്‍ത്താനുള്ള നടപടികളാണ് കേന്ദ്രസര്‍ക്കാര്‍ ഇപ്പോള്‍ എടുത്തിട്ടുള്ളത്.
ആഗോളതലത്തില്‍ 35-40 ദിവസം വരെ വിതരണം ചെയ്യാനുള്ള എണ്ണ കൂടുതല്‍ കൈവശമുള്ളത് സൗദി അരാംകോയുടെ കീഴിലാണ്. അരാംകോ ഇപ്പോള്‍ നേരിട്ട പ്രശ്നങ്ങള്‍ വേഗത്തില്‍ തരണം ചെയ്യാന്‍ സാധിച്ചില്ലെങ്കില്‍ അതിഭയങ്കരമായ പ്രതിസന്ധി ലോകം നേരിടേണ്ടി വരും. ഈ സാഹചര്യത്തില്‍ സൗദി അരാംകോ ഉത്പ്പാദനം വെട്ടിക്കുറച്ചാല്‍ ലോകം വലിയ ഊര്‍ജ പ്രതസിന്ധി നേരിടേണ്ടി വന്നേക്കും. ഈ സാഹചര്യത്തില്‍ 20 ലക്ഷം ബാരല്‍ ഉത്പ്പാദനം നടത്തി പ്രതിസന്ധിയെ തരണം ചെയ്യാനുള്ള നീക്കത്തിലാണ് സൗദി.
അതേസമയം എണ്ണ ഇറക്കുമതിച്ചിലവ് അധികരിച്ചാല്‍ ഇന്ത്യയടക്കമുള്ള രാജ്യങ്ങള്‍ വലിയ പ്രതിസന്ധി അഭിമുഖീകരിക്കേണ്ടി വരും. രാജ്യത്ത് എണ്ണഇറക്കുമതിച്ചിലവ് അധികരിച്ചാല്‍ പണപ്പെരുപ്പം നാല് ശതമാനമാക്കി പിടിച്ചുനിര്‍ത്തുക അത്ര എളുപ്പമല്ലെന്നാണ് വിദഗ്ധര്‍ ഒന്നടങ്കം വിലയിരുത്തിട്ടുള്ളത്. ഇതോടെ ആഗോള എണ്ണ വിപണിയില്‍ കൂടുതല്‍ ആശയകുഴപ്പങ്ങളാണ് ഇപ്പോള്‍ ഉടലെടുത്തിട്ടുള്ളത്. ഇന്ത്യയടക്കമുള്ള വികസ്വര രാജ്യങ്ങള്‍ എണ്ണ വില കുതിച്ചുയരാന്‍ കാരണമാകും. ഏകദേശം 5.7 ദശലക്ഷം ബാരല്‍ എണ്ണയുടെ ഉത്പ്പാദനമാണ് സൗദിയില്‍ കുറഞ്ഞിരിക്കുന്നത്. സൗദിയുടെ ഉത്പ്പാദനം കുറഞ്ഞാല്‍ അന്താരാഷ്ട്ര തലത്തില്‍ എണ്ണ ആവശ്യകത വര്‍ധിക്കുകയും കൂടുതല്‍ പ്രതിസന്ധി നേരിടേണ്ടി വരുമെന്നാണ് വിദഗ്ധര്‍ ഒന്നാകെ ചൂണ്ടിക്കാട്ടുന്നത്. ഈ സാഹചര്യത്തിലാണ് പ്രധാനമന്ത്രി സൗദി സന്ദര്‍ശിക്കുന്നത്.
