ഇന്ത്യന്‍ റോഡുകളില്‍ നാല് ദശലക്ഷം കാറുകള്‍ എന്ന നേട്ടം കൈവരിച്ചതിന് ടാറ്റ മോട്ടോഴ്സിനെ അഭിനന്ദിച്ച് ടാറ്റാ ഗ്രൂപ്പ് ചെയര്‍മാന്‍ രത്തന് ടാറ്റ. ഭാവിയിലെ പരിശ്രമങ്ങള്‍ക്കായി ആശംസകള്‍ എന്നായിരുന്നു അദ്ദേഹം ആശംസിച്ചു.
കമ്പനിയുടെ ചരിത്രം പറയുന്ന ബോളിവുഡ് നടന്‍ അനുപം ഖേര്‍ അവതാരകനായ പ്രത്യേക വീഡിയോ പങ്കുവച്ചായിരുന്നു രത്തന് ടാറ്റയുടെ ട്വീറ്റ്. 'നാല് ദശലക്ഷം നാഴികക്കല്ലിന് അഭിനന്ദനങ്ങള്‍! മുന്നോട്ടുള്ള യാത്രയ്ക്ക് നിങ്ങള്‍ക്കെല്ലാവര്‍ക്കും ആശംസകള്‍ നേരുന്നു,' അദ്ദേഹം എഴുതി.
ടാറ്റാ മോട്ടോഴ്സ് കാര്‍സ് ആദ്യം ട്വിറ്റര്‍ അക്കൗണ്ടില്‍ പങ്കിട്ട ഈ വീഡിയോ, 1945 ല്‍ കമ്പനി സ്ഥാപിതമായപ്പോള്‍ മുതലുള്ള കമ്പനിയുടെ വളര്‍ച്ചയുടെ വിവിധ ഘട്ടങ്ങളിലേക്ക് കാഴ്ചക്കാരെ തിരികെ കൊണ്ടുപോകുകയും അടുത്ത ദശകങ്ങളിലെ യാത്രയെ സമന്വയിപ്പിക്കുകയും ചെയ്യുന്നു.
രാജ്യത്ത് വാഗ്ദാനം ചെയ്യുന്ന ഏറ്റവും സുരക്ഷിതവും നൂതനവുമായ ഉല്‍പ്പന്നങ്ങള്‍ കമ്പനി നിര്‍മ്മിക്കുന്നുവെന്ന് ഈ വീഡിയോ അടിവരയിടുന്നു. ടാറ്റാ മോട്ടോറിന്റെ നിലവിലെ കാറുകളായ ടിയാഗോ, ടൈഗോര്‍, നെക്സണ്‍, അല്‍ട്രോസ്, ഹാരിയര്‍ എന്നിവയും വീഡിയോ ഉയര്‍ത്തിക്കാട്ടുന്നു.
ടാറ്റാ മോട്ടോഴ്സ് അടുത്തിടെ പാസഞ്ചര്‍ വെഹിക്കിള്‍ വിഭാഗത്തില്‍ മൂന്നാം സ്ഥാനത്തെത്തിയിരുന്നു. നിലവില്‍ മാരുതി സുസുക്കിക്കും ഹ്യുണ്ടായിക്കും പിന്നിലാണ് കമ്പനി. ഗ്ലോബല്‍ എന്‍സിഎപി ടെസ്റ്റുകളിലും നെക്സണും അല്‍ട്രോസും അഞ്ച് സ്റ്റാറുകള്‍ നേടിയപ്പോള്‍ ടിയാഗോയ്ക്കും ടിഗോറിനും നാല് സ്റ്റാറുകള്‍ വീതം ലഭിച്ചു.
