രാജ്യത്തെ വിവിധ എന്ബിഎഫ്സി സ്ഥാപനങ്ങള്‍ കടുത്ത പ്രതിസന്ധിയിലൂടെയാണ് കടന്നുപോകുന്നത്. ഈ സാഹചര്യത്തില്‍ മൂലധന പര്യാപ്തി കൈവരിക്കാത്ത രാജ്യത്തെ വിവിധ എന്ബിഎഫ്സി സ്ഥാപനങ്ങള്‍ക്ക് നേരെ കടുത്ത നിയന്ത്രണമേര്‍പ്പെടുത്താനും, പ്രവര്‍ത്തന അുമതി നിഷേധിക്കാനുമാണ് ആര്‍ബിഐ ഇപ്പോള്‍ മുതിര്‍ന്നിട്ടുള്ളത്. രാജ്യത്തെ 50ത് എന്ബിഎഫ്സി സ്ഥാപനങ്ങളെ ആര്‍ബിഐ കൂടുതല്‍ നിരീക്ഷിക്കുകയാണെന്നാണ് റിപ്പോര്‍ട്ട്. അതേസമയം എന്ബിഎഫ്സി സ്ഥാപനങ്ങളുടെ പ്രതിസന്ധി എപ്പോള്‍ അവസാനിക്കുമെന്ന് പറയാനാകില്ലെന്നാണ് ആര്‍ബിഐ ഗവര്‍ണര്‍ ശാക്തികാന്ത ദാസ് വ്യക്തമാക്കിയിരിക്കുന്നത്. എന്ബിഎഫ്സി സ്ഥാപനങ്ങള്‍ കൂടുതല്‍ തകര്‍ച്ചയിലേക്ക് പോകാതെ നോക്കേണ്ടത് ആര്‍ബിഐയുടെ ഉത്തരവാദിത്യമാണെന്നാണ് ആര്‍ബിഐ ഗവര്‍ണര്‍ ഇപ്പോള്‍ കൂട്ടിച്ചേര്‍ത്തത്.
അതേസമയം മൂലധന പര്യാപ്തി കൈവരിക്കാത്ത വിവിധ എന്ബിഎഫ്സി സ്ഥാപനങ്ങള്‍ക്ക് ആര്‍ബിഐ ഇപ്പോള്‍ പ്രവര്‍ത്തന അനുമതി നിഷേധിച്ചിരിക്കുകയാണ്. 2019 മാര്‍ച്ച് 31 വരെ രാജ്യത്ത് മെച്ചപ്പെട്ട പ്രവര്‍ത്തനവും, സേവനവും, മൂലധനപര്യാപിതിയും കൈവരിക്കാത്ത 1701 എന്ബിഎഫ്സി സ്ഥാപനങ്ങളുടെ ലൈസന്‍സ് റിസര്‍വ് ബാങ്ക് ഓഫ് ഇന്ത്യ (ആര്‍ബിഐ) റദ്ദ് ചെയ്തു. ഇത് മൂലം രാാജ്യത്തെ 1701 എന്ബിഎഫ്സി സ്ഥാപനങ്ങള്‍ അടച്ചുപൂട്ടുന്ന അവസ്ഥയിലേക്കെത്തുമെന്നുറപ്പായി.
റിസര്‍വ് ബാങ്ക് നിിര്‍ദേശിച്ച മൂലധന പര്യാപ്തി നേടാത്ത വിവിധ എന്ബിഎഫ്സി സ്ഥാപനങ്ങള്‍ക്ക് നേരെ കര്‍ശന നടപടികള്‍ എടുക്കുമെന്ന് ആര്‍ബിഐ നേരത്തെ വ്യക്തമാക്കിയതാണ്. ഇന്‍ഫ്രാസ്ട്രക്ചര്‍ ലീസിംഗ് ആന്‍ഡ് ഫിനാന്‍ഷ്യല്‍ സര്‍വീസസ് ലിമിറ്റഡ് (ഐഎല്‍ ആന്‍ഡ് എഫ്എസ്) കടം തിരിച്ചടവ് വീഴ്ച വരുത്തിയതോടെ ഷാഡോ ബാങ്കിംഗ് മേഖലയിലെ പ്രതിസന്ധിക്ക് തൊട്ടുപിന്നാലെ ഒക്ടോബര്‍ മുതല്‍ നവംബര്‍ വരെയുള്ള കാലയളവില്‍ ആര്‍ബിഐ ശക്തമായ നടപടികളാണ് എന്ബിഎഫ്സി സ്ഥാപനങ്ങള്‍ക്കെതിരെ എടുത്തിട്ടുള്ളത്. ഒക്ടോബര്‍-നവംബര്‍ മാസങ്ങളില്‍ 779 ലൈസന്‍സുകളാണ് ഇിതനകം ആര്‍ബിഐ റദ്ദ് ചെയ്തത്.
എന്‍ബിഎഫ്സികളുടെ പ്രവര്‍ത്തന ലൈസന്‍സ് റദ്ദ് ചെയ്തതോടെ രാജ്യത്തെ വിവിധ എന്ബിഎഫ്സി സ്ഥാപനങ്ങള്‍ പൂട്ടിപ്പോകുമെന്നുറപ്പാണ്. നഷ്ടത്തിലോടുന്ന എന്ബിഎഫ്സി സ്ഥാപനങ്ങള്‍ പ്രവര്‍ത്തിക്കുന്നത് സുതാര്യമലല്ലെന്നാണ് ആര്‍ബിഐ ഇപ്പോള്‍ വ്യക്തമാക്കിയിരിക്കുന്നത്. ആര്‍ബിഐ നിശ്ചയിച്ച മൂലധന പര്യാപ്തി കൈവരിക്കാത്ത എന്ബിഎഫ്സി സ്ഥാപനങ്ങള്‍ പ്രവര്‍ത്തിക്കുന്നത് സാമ്പത്തിക വളര്‍ച്ചയ്ക്ക് ഗുണം ചെയ്യില്ലെന്നാണ് പൊതുവെ വിലയിരുത്തപ്പെടുന്നത്.
