മുംബൈ: അഭിപ്രായ ഭിന്നതകളെ തുടര്ന്ന് ആര്ബിഐ ഡപ്യൂട്ടി ഗവര്ണര് വിരാല് ആചാര്യ രാജിവെച്ച സാഹചര്യത്തില് മറ്റ് ഡപ്യൂട്ടി ഗവര്ണര്മാര്ക്ക് നല്കിയിരുന്ന ചുമതലകളില് റിസര്വ്വ് ബാങ്ക് ഓഫ് ഇന്ത്യ മാറ്റങ്ങള് വരുത്തിയതായി റിപ്പോര്ട്ട്. റിസര്വ്വ് ബാങ്ക് ഓഫ് ഇന്ത്യ പുറത്തക്കിയ പ്രസ്താവനയിലാണ് ഇക്കാര്യം വ്യക്തമാക്കിയിട്ടുള്ളത്. ധനനയ വകുപ്പിന്റെ ചുമതലയായിരുന്നു വിരാല് ആചാര്യക്ക് പ്രധാനമായും ഉണ്ടായിരുന്നത്. അതേസമയം സാമ്പത്തിക അവലോകന യൂണിറ്റുകളുടെ പ്രവര്ത്തനമടക്കം വിരാല് ആചാര്യയുടെ ധനനയ അവലോകന വകുപ്പിന് കീഴിലായിരുന്നു പ്രവര്ത്തിച്ചിരുന്നത്.
വിരാല് ആചാര്യ രാജിവെച്ചതിന് ശേഷം ഈ വകുപ്പുകളുടെയെല്ലാം പ്രവര്ത്തനം മന്ദഗതിയില് നീങ്ങിയത് മൂലമാണ് ആര്ബിഐ ഡപ്യൂട്ടി ഗവര്ണമാരുടെ പ്രവര്ത്തനങ്ങളില് കൂടുതല് അഴിച്ചുപണികള് നടത്തിയത്. ഇതേ തുടര്ന്ന് മൂന്ന് ഡപ്യൂട്ടി ഗവര്ണര്മാര്ക്ക് ഈ വകുപ്പുകളുടെ ചുമതലകള് കൂടി നല്കി പ്രവര്ത്തനം വിപുലീകരിക്കാനാണ് ആര്ബിഐ ഇപ്പോള് തീരുമാനിച്ചിട്ടുള്ളത്. എന്എസ് വിശ്വനാഥന്, ബിപി കുന്ഗോ, എംകെ ജയ്ന് എന്നീ ഡപ്യൂട്ടി ഗവര്ണര്മാരുടെ ചുമതലകളിലാണ് ആര്ബിഐ ഇപ്പോള് കൂടുതല് അഴിച്ചുപണികള് നടത്തിയിട്ടുള്ളത്.
ഡപ്യൂട്ടി ഗവര്ണറുടെ കാലാവധി തീരാന് ആറ് മാസം മാത്രം ബാക്കി നില്ക്കവെയാണ് വിരാല് ആചാര്യ രാജിവെച്ച് പുറത്തേക്ക് പോകുന്നത്. ആര്ബിഐ ഗവര്ണര് ശക്തികാന്ത ദാസുമായി അഭിപ്രായ ഭിന്നതകളുണ്ടായിരുന്നുവെന്നതാണ് സൂചന. പണപ്പെരുപ്പം തുടങ്ങിയ സാമ്പത്തിക പ്രാധാന്യമുള്ള കാര്യങ്ങളില് അഭിപ്രായ ഭിന്നതകള് ഉണ്ടായെന്നാണ് റിപ്പോര്ട്ട്.അതേസമയം ആര്ബിഐയുടെ ധനനയ രൂപീകരണ ചുമതല ഉണ്ടായിരുന്ന വ്യക്തിയായിരുന്നു വിരാല് ആചാര്യ. ശക്തികാന്ത ദാസുമായി അഭിപ്രായ ഭിന്നതകള് റിസര്വ് ബാങ്കിന്റെ പണനയ അവലോകന യോഗത്തില് ഉണ്ടായിരുന്നതായാണ് റിപ്പോര്ട്ട്.
