ന്യൂഡല്‍ഹി: ഉയര്‍ന്ന മൂല്യമുള്ള സാമ്പത്തിക ഇടപാടുകള്‍ക്കുള്ള ആര്‍ടിജിഎസ് സംവിധാനം അടുത്ത കുറച്ച് ദിവസത്തിനുള്ളില്‍ 24 മണിക്കൂറും ലഭ്യമാകുമെന്ന് റിസര്‍വ് ബാങ്ക് ഗവര്‍ണര്‍. നാഷണല്‍ ഇലക്ട്രോണിക് ഫണ്ട് ട്രാന്‍സ്ഫര്‍ അഥവാ നെഫ്റ്റ് സംവിധാനം ഈ വര്‍ഷം മുതല്‍ എല്ലാ സമയത്തും ലഭ്യമാകും. നിലവില്‍, എല്ലാ മാസവും രണ്ടാമത്തെയും നാലാമത്തെയും ശനിയാഴ്ചകള്‍ ഒഴികെ, ആഴ്ചയിലെ എല്ലാ പ്രവൃത്തി ദിവസങ്ങളിലും രാവിലെ 7.00 മുതല്‍ വൈകുന്നേരം 6.00 വരെ ആര്‍ടിജിഎസ് ഉപയോക്താക്കള്‍ക്ക് ലഭ്യമായിരുന്നത്. അടുത്ത കുറച്ച് ദിവസത്തിനുള്ളില്‍ ആര്‍ടിജിഎസ് സംവിധാനം ഉടന്‍ തന്നെ 24 മണിക്കൂറും ലഭ്യമാക്കുമെന്ന് ആര്‍ബിഐ ഗവര്‍ണര്‍ ശക്തികാന്ത ദാസ് പറഞ്ഞു. എഅഞ്ച് ദിവസത്തിന് മുമ്പുള്ള ആഴ്ചയിലെ എല്ലാ ദിവസങ്ങളിലും യുപിഐ ഇടപാടുകള്‍ നടത്തുന്നു. ഇത് പേയ്മെന്റ് ആവാസവ്യവസ്ഥയെ കൂടുതല്‍ കാര്യക്ഷമമാക്കും.
ഈ ശേഷി ഉപയോഗിച്ച്, എപിഎസ്, ഐഎംപിഎസ്, എന്‍ടിസി, എന്‍എഫ്എസ്, റുപേ, യുപിഐ ഇടപാടുകള്‍ നേരത്തെ ആഴ്ചയിലെ അഞ്ച് ദിവസങ്ങളിലായിരുന്നു ലഭ്യമായിരുന്നത്. ഇതിന് പകരം എല്ലാ ദിവസങ്ങളിലും ഇവ ലഭ്യമാക്കുന്നതിനുള്ള നടപടികളും നടത്തിവരുന്നുണ്ട്. പണമിടപാട് സംവിധാനം ഏറ്റവും കൂടുതല്‍ കാര്യക്ഷമമാക്കുന്നതിന് വേണ്ടിയാണെന്നും അദ്ദേഹം പറഞ്ഞു.
ഡിജിറ്റല്‍ പണമിടപാട് സംവിധാനം വ്യാപിപ്പിക്കുന്നതിന്റെയും സുരക്ഷിതമാക്കുന്നതിന്റെയും ഭാഗമായി ജനുവരി ഒന്ന് മുതല്‍ കോണ്ടാക്ട് ലെസ് കാര്‍ഡ് ഇടപാട്, 2000- മുതല്‍ 5000 രൂപ വരെയുള്ള യുപിഐ ഇടപാടുകള്‍ എന്നിവ വര്‍ധിപ്പിക്കാനും തീരുമാനിച്ചിട്ടുണ്ട്. എന്നാല്‍ ഇത് ഉപയോക്താക്കളുടെ നിര്‍ബന്ധത്തെയും വിവേചനാധികാരത്തെയും ആശ്രയിച്ചാണുള്ളത്.
കോണ്ടാക്റ്റ്ലെസ് കാര്‍ഡ് ഇടപാടുകളും ആവര്‍ത്തിച്ചുള്ള ഇടപാടുകള്‍ക്കായുള്ള യുപിഐയും പൊതുവേ ഉപഭോക്താക്കളുടെ സൗകര്യം വര്‍ദ്ധിപ്പിക്കുന്നതിനൊപ്പം സാങ്കേതികവിദ്യയുടെ പ്രയോജനം നല്‍ക്കുന്നുണ്ടെന്നും ചെയ്യുന്നുവെന്ന് ആര്‍ബിഐ വികസന, നിയന്ത്രണ നയങ്ങള്‍ സംബന്ധിച്ച പ്രസ്താവനയില്‍ പറഞ്ഞു. സുരക്ഷിതമായ രീതിയില്‍ പേയ്മെന്റുകള്‍ നടത്തുന്നതിന് ഇവ ഏറ്റവും അനുയോജ്യമാണ്. പ്രത്യേകിച്ചും നിലവിലെ കോവിഡ് സാഹചര്യത്തില്‍ കാര്‍ഡുകളിലെ കോണ്ടാക്റ്റ്ലെസ് സവിശേഷത ഉപയോഗപ്പെടുത്തുന്നതിനും അവരുടെ കാര്‍ഡുകളുടെ പരിധി നിയന്ത്രിക്കാന്‍ ഉപഭോക്താക്കളെ പ്രാപ്തരാക്കുന്നതിനുമുള്ള സമീപകാല നിര്‍ദ്ദേശങ്ങളും റിസര്‍വ് ബാങ്ക് കൊണ്ടുവന്നിട്ടുണ്ട്. ഉപയോക്താക്കള്‍ക്ക് കൂടുതല്‍ സുരക്ഷ നല്‍കുന്നുവെന്നതാണ് ഇവയുടെ പ്രധാന പ്രത്യേകത.
രാജ്യത്ത് ഡിജിറ്റല്‍ ഇടപാടുകള്‍ പ്രോത്സാഹിപ്പിക്കുക എന്ന ലക്ഷ്യത്തോടെയാണ് 2019 ജൂലൈയില്‍ നെഫ്റ്റ്, ആര്‍ടിജിഎസ് സേവനങ്ങള്‍ക്കുണ്ടായിരുന്ന ചാര്‍ജ്ജ് റിസര്‍വ് ബാങ്ക് എടുത്തുനീക്കിയത്. ഇവ പ്രവര്‍ത്തിപ്പിക്കുന്നതിനുള്ള നിര്‍ദേശങ്ങളും പ്രത്യേകമായി പുറത്തിറക്കിയിരുന്നു. ആര്‍ടിജിഎസ് വലിയ തോതിലുള്ള ഫണ്ട് ട്രാന്‍സറുകള്‍ക്കാണ് ഉപയോഗിച്ചിരുന്നത്. എന്നാല്‍ രണ്ട് ലക്ഷം വരെയുള്ള പണമിടപാടുകള്‍ക്കാണ് നെഫ്റ്റ് ഉപയോഗിക്കുന്നത്.
സാമ്പത്തിക സാക്ഷരതയെ പ്രോത്സാഹിപ്പിക്കുന്നതിലൂടെ സാമ്പത്തിക ഇടപാടുകള്‍ കൂടുതല്‍ ശക്തമാക്കുന്നതിനും ഉപഭോക്താക്കളെ സംരക്ഷിക്കുന്നതിനുമായി, സെന്റര്‍സ് ഫോര്‍ ഫിനാന്‍ഷ്യല്‍ ലിറ്ററസി (സിഎഫ്എല്‍) വഴി ഒരു പങ്കാളിത്ത സമീപനമാണ് റിസര്‍വ് ബാങ്ക് തിരഞ്ഞെടുത്ത ബാങ്കുകളും സര്‍ക്കാരിതര സംഘടനകളും വഴി 2017 ല്‍ ഒരു പൈലറ്റ് പ്രോജക്റ്റായി അവതരിപ്പിച്ചത്.
