വിപണിയില്‍ ആത്മവിശ്വാസം ഉയര്‍ന്നതോടെ ഡോളറിനെതിരെ രൂപയുടെ മൂല്യത്തില്‍ കുതിപ്പ്. ഓഹരി വിപണി മികച്ച നേട്ടമുണ്ടാക്കിയതും കോവിഡ് വാക്സിന്‍ ഉടനെ പുറത്തിറങ്ങുമെന്ന റിപ്പോര്‍ട്ടുകളുമാണ് രൂപയുടെ മൂല്യമുയര്‍ത്തിയത്.
രാവിലത്തെ വ്യാപാരത്തില്‍ രൂപയുടെ മൂല്യം ഡോളറിനെതിരെ 58 പൈസ നേട്ടമുണ്ടാക്കി. മൂല്യം 74.59 രൂപയായി ഉയര്‍ന്നു. അതായത് ഒരു ഡോളര്‍ ലഭിക്കുന്നതിന് മുടക്കേണ്ടത് 74.59 രൂപ. വ്യാഴാഴ്ച 75.01 നിലവാരത്തിലായിരുന്നു ക്ലോസിങ്.
അഹമ്മദാബാദ് ആസ്ഥാനമായി പ്രവര്‍ത്തിക്കുന്ന സൈഡസ് കാഡില ഹെല്‍ത്തകെയറാണ് വാക്സിന്‍ വികസിപ്പിച്ചത്. മനുഷ്യനില്‍ പരീക്ഷിക്കാന്‍ കമ്പനിയ്ക്ക് ഡ്രഗ്സ് കണ്‍ട്രോളറുടെ അനുമതിയും ലഭിച്ചിട്ടുണ്ട്.
