ഓഹരി വിപണി ഇന്ന് നഷ്ടത്തോടെ അവസാനിച്ചു. മുംബൈ ഓഹരി സൂചികയായ സെന്‍സെക്‌സ് 247.68 പോയിന്റ് താഴ്ന്ന് 39,502.05 ലെത്തിയാണ് ഇന്ന് വ്യാപാരം അവസാനിച്ചത്. ദേശീയ ഓഹരി സൂചികയായ നിഫ്റ്റി 67.70 പോയിന്റ് താഴ്ന്ന് 11,861.10 ലെത്തിയാണ് ഇന്ന് വ്യാപാരം അവസാനിച്ചത്. നിലവില്‍ 1051 കമ്പനികളുടെ ഓഹരികള്‍ നേട്ടത്തലും, 1493 കമ്പനികളുടെ ഓഹരികള്‍ നഷ്ടത്തിലുമാണ്.
സണ്‍ ഫാര്‍മ്മ (2.68%), ഭാരതി ഇന്‍ഫ്രാടെല്‍ (2.49%), ടിസിഎസ് (1.63%), ഗെയ്ല്‍ (1.43%), എച്ച്‌സിഎല്‍ ടെക് (1.28%) എന്നീ കമ്പനികളുടെ ഓഹരികളിലാണ് നേട്ടമുണ്ടാക്കിയത്.
ചില കമ്പനികളുടെ ഓഹരികളില്‍ നഷ്ടവും നേരിട്ടു. ജെഎസ്ഡബ്ല്യു സ്റ്റീല്‍ (-4.23%), എസ്ബിഐ (-3.17%), ടാറ്റാ സ്റ്റീല്‍ (-2.71%), ഐസിഐസിഐ ബാങ്ക് (-2.53%), സീ എന്റര്‍ടെയ്ന്‍ (-2.42%) എന്നീ കമ്പനികളുടെ ഓഹരികളിലാണ് നഷ്ടം നേരിട്ടത്.
അതേസമയം വ്യപാരത്തിലെ ആശയ കുഴപ്പം മൂലം ചില കമ്പനികളുടെ ഓഹരികളില്‍ കൂടുതല്‍ ഇടപാടുകളും നടന്നു. സണ്‍ ഫാര്‍മ്മ (1,190.03), എസ്ബിഐ (988.56), ഐസിഐസിഐ ബാങ്ക് (936.85), റിലയന്‍സ് (933.89), ഇന്‍ഫോസിസ് (749.00) എന്നീ കമ്പനികളുടെ ഓഹരികളിലാണ് കൂടുതല്‍ ഇടപാടുകള്‍ നടന്നത്.
