റിലയന്‍സ് ഇന്‍സ്ട്രീസ് ഇ-കൊമേഴ്‌സ് വിപണിയിലേക്ക് ചുവടുവെക്കുമോ എന്ന സംശയം നിലനില്‍ക്കുന്നുണ്ട് ബിസിനസ് ലോകത്ത്. എന്നാല്‍ അതിന് സാധ്യതയുണ്ടെന്നാണ് ദേശീയ മാധ്യമങ്ങള്‍ ഇപ്പോള്‍ റിപ്പോര്‍ട്ട് ടചെയ്തുകൊണ്ടിരിക്കുന്നത്. ഇ-കെമേഴ്‌സ് വിപണിയിലേക്ക് തയ്യാറാവാന്‍ മുകേഷ് അംബാനിയുടെ റിലയന്‍സ് ഇന്‍ഡസ്ട്രീസ് സൂപ്പര്‍ ആപ്ലിക്കേഷന് രൂപകല്‍പ്പന ചെയ്തുവെന്നാണ് റിപ്പോര്‍ട്ട്.
ആപ്ലിക്കേഷന്റെ പണിപ്പുരയിലാണ് റിലയന്‍സ് ഇപ്പോള്‍ ഉള്ളത്. ആമസോണിനെയും, ഫ്‌ളിപ്പ് കാര്‍ട്ടിനെയും വെല്ലുവിളിക്കാന്‍ പറ്റുന്ന രീതിയിലാണ് റിലയന്‍സ് സൂപ്പര്‍ ആപ്ലിക്കേഷന് തയ്യാറാക്കാന്‍ പോകുന്നത്.
റിലയന്‍സ് ജിയോക്ക് 300 മില്യണ്‍ സബ്‌സ്‌ക്രൈബര്‍മാരാണ് ഉള്ളത്. ആമസോണും, ഫ്‌ളിപ്പ്കാര്‍ട്ടും കടുത്ത മത്സരമാണ് ഇ-കൊമേഴ്‌സ് വ്യാപാര രംഗത്ത് സൃഷ്ടിച്ചിട്ടുള്ളത്. റിലയന്‍സിന്റെ സൂപ്പര്‍ ആപ്ലിക്കേഷന് ഇവരെയെല്ലാം പിന്നിലാക്കാന്‍ സാധിക്കുമോ എന്ന് കണ്ടറിയാം.
ഓണ്‍ലൈന്‍ ഷോപ്പിംഗ് കൂടാതെ, മറ്റ് ഓണ്‍ ലൈന്‍ സംവിധാനങ്ങള്‍ റിലയന്‍സ് പുതിയ ആപ്പിലൂടെ കൊണ്ടുവന്നേക്കും. 2021 ല്‍ ഇന്ത്യന്‍ ഇ-കൊമേഴ്‌സ് വിപണി 84 ബില്യണ്‍ ഡോളറിലെത്തുമെന്ന് റിപ്പോര്‍ട്ടുണ്ടായിരുന്നു. ഇത് ലക്ഷ്യമിട്ടാണ് അംബാനി ഇ-കൊമേഴ്‌സ് വ്യാപാരത്തിലേക്ക് ചുവടുവയ്ക്കുന്നത്.
