ചെന്നൈ: തമിഴ്‌നാട്ടില്‍ ടിക് ടോക് ആപ്ലിക്കേഷന്‍ നിരോധിച്ചു. യുവാക്കള്‍ക്കിടയില്‍ വ്യാപകമായി പ്രചരണം നേടിയ ആപ്ലേക്കേഷനാണ് തമിഴ്‌നാട് സര്‍ക്കാര്‍ നിരോധിക്കാന്‍ മുതിര്‍ന്നിട്ടുള്ളത്. മഖ്യമന്ത്രി എടപ്പാടി പളനി സ്വാമിയാണ് ഇക്കാര്യം വ്യക്തമാക്കിയത്. സംസ്‌ക്കാരത്തിന്റെയും പാരമ്പര്യത്തിന്റെയും പേരിലാണ് ആപ്ലിക്കേഷന്‍ നിരോധിക്കാന്‍ തമിഴ്‌നാട് സര്‍ക്കാര്‍ ഇപ്പോള്‍ മുതിര്‍ന്നിട്ടുള്ളത്. ആപ്ലിക്കേഷന്റെ ഉപയോഗം രാജ്യത്തിന്റെ സംസ്‌ക്കാരത്തെയും പാരമ്പര്യത്തെയും കളങ്കപ്പെടുത്തുന്നുവെന്നാണ് സര്‍ക്കാര്‍ വൃത്തങ്ങള്‍ വിലയിരുത്തുന്നത്.
എഐഎഡിഎംകെ നേതാവും നാഗപട്ടണം എംഎല്‍എയുമായ തമീമുന്‍ അന്‍സാരിയാണ് ടിക് ടോക് ആപ്ലിക്കേഷന്‍ നിരോധിക്കണമെന്ന ആവശ്യവുമായി രംഗത്തെത്തിയത്. മുഖ്യമന്ത്രി എടപ്പാടി പളനി സ്വാമിയുമായി പലതവണ ആപ്ലക്കേഷന്‍ നിരോധിക്കണമെന്ന ആവശ്യം ഉന്നയിച്ചിരുന്നു. ഇതിനെ തുടര്‍ന്നാണ് സര്‍ക്കാര്‍ അനുകൂലമായ ഒരു തീരുമാനം എടുത്തിട്ടുള്ളത്. കേന്ദ്രസര്‍ക്കാറുമായി ആലോചിച്ച് തീരുമാനം നടപ്പിലാക്കുമെന്ന് മുഖ്യമന്ത്രി അറിയിച്ചു.
