മുംബൈ: ഫെബ്രുവരി മാസത്തെ വില്പ്പന കണക്കുകള് പുറത്തുവിട്ട് ടാറ്റാ മോട്ടോഴ്സ്. ഫെബ്രുവരിയിലെ മൊത്ത വില്പ്പനയില് കമ്പനി 51 ശതമാനം വര്ധന കൈവരിച്ചു. 61,365 യൂണിറ്റുകളോടെയാണ് ഈ വന് നേട്ടം കമ്പനി നേടിയെടുത്തത്.
മുന് വര്ഷത്തെ സമാനകാലയളവില് 40,619 യൂണിറ്റുകളായിരുന്നു കമ്പനിയുടെ ആകെ വില്പ്പന. 58,473 യൂണിറ്റുകളോടെ ആഭ്യന്തര വില്പ്പന 54 ശതമാനം ഉയര്ന്നു. കഴിഞ്ഞ വര്ഷം ഫെബ്രുവരിയില് 38,002 യൂണിറ്റുകളായിരുന്നു വില്പ്പന.
അവലോകന മാസത്തില് ആഭ്യന്തര വിപണിയിലെ പാസഞ്ചര് വാഹന വില്പ്പന രണ്ട് മടങ്ങ് ഉയര്ന്ന് 27,225 യൂണിറ്റായി. കഴിഞ്ഞ വര്ഷം ഇതേ മാസം ഇത് 12,430 യൂണിറ്റായിരുന്നു. മൊത്ത വാണിജ്യ വാഹന വില്പ്പന 21 ശതമാനം വര്ധനയോടെ 33,966 യൂണിറ്റായി. കഴിഞ്ഞ വര്ഷം ഇത് 28,071 യൂണിറ്റായിരുന്നു.
