രാജ്യത്തെ ഏറ്റവും ഐടി കമ്പനികളിലൊന്നായ ടാറ്റ കണ്‍സള്‍ട്ടന്‍സി സര്‍വീസെസ് ലാഭത്തില്‍ വര്‍ധവ് രേഖപ്പെടുത്തിയതായി റിപ്പോര്‍ട്ട്. 2019-2020 സാമ്പത്തിക വര്‍ഷത്തിലെ ആദ്യ പാദമായ ഏപ്രില്‍ മുതല്‍ ജൂണ്‍ വരെയുള്ള കാലയളവിലാണ് ടിസിഎസിന്റെ അറ്റാദായത്തില്‍ വര്‍ധനവ് ് രേഖപ്പെടുത്തിയിട്ടുള്ളത്. ജൂണ്‍ ഒമ്പത് വരെയുള്ള കണക്കുകള്‍ പ്രകാരം 8131 കോടി രൂപയാണ് വര്‍ധനവ് കമ്പനിയുടെ അറ്റാദായയത്തില്‍ രേഖപ്പെടുത്തിയിട്ടുള്ളത്. ഏകദേശം 10.38 ശതമാനം വര്‍ധനാണ് ടിസിഎസിന്റെ അറ്റാദായത്തില്‍ ഉണ്ടായിട്ടുള്ളത്. വിപണി മേഖലയിലെ വിപുലീകരണവും, മെച്ചപ്പെട്ട പ്രവര്‍ത്തന രീതിയുമാണ് ടിസിഎസിന്റെ അറ്റാദായത്തില്‍ വര്‍ധനവുണ്ടാകാന്‍ കാരണം. അതേസമയം കഴിഞ്ഞവര്‍ഷം ഇതേ കാലയളവില്‍ കമ്പനിയുടെ ആകെ അറ്റാദായം 7,340 കോടി രൂപയാണ് രേഖപ്പെടുത്തിയത്.
മുംബൈ ആസ്ഥാനമായി പ്രവര്‍ത്തിക്കുന്ന കമ്പനിയുടെ അറ്റാദായത്തില്‍ 11.04 ശതമാനം വര്‍ധനവാണ് ആകെ രേഖപ്പെടുത്തിയിട്ടുള്ളത്. കമ്പനിയുടെ വരുമാനം 38,712 കോടി രൂപയായി 2019-2020 സാമ്പത്തിക വര്‍ഷത്തിലെ ആദ്യപാദതത്തില്‍ രേഖപ്പെടുത്തിയെന്നാണ് കണക്കുകളിലൂടെ വ്യക്തമാക്കുന്നത്. അതേസമയം 32.2 ശതമാനം വരുമാനം രേഖപ്പെടുത്തിയത് ഡിജിറ്റല്‍ വരുമാനമാണ്, മുന്‍ വര്‍ഷത്തെ അപേക്ഷിച്ച് ഈ പാദത്തില്‍ 42.1 ശതമാനം വളര്‍ച്ച രേഖപ്പെടുത്തിയിട്ടുണ്ടെന്ന് റിപ്പോര്‍ട്ടിലൂടെ വ്യക്തമാക്കുന്നു. കമ്പനിയിലെ ജീവനക്കാരുടെ എണ്ണത്തില്‍ വന്‍ വര്‍ധനവാണ് കഴിഞ്ഞ വര്‍ത്തിനിടെ രേഖപ്പെടുത്തിയിട്ടുള്ളത്. നിലവില്‍ മുംബൈ ആസ്ഥാനമായി പ്രവര്‍ത്തിക്കും ടിസിഎസില്‍ 12,356 ജീവനക്കരാണ് ജോലി ചെയ്യുന്നത്.
