ഹൈദരാബാദ് ക്യാമ്പസില് യുഎസ് കമ്പനിയുടെ ഡിജിറ്റല് സൊല്യൂഷന് വിന്യസിക്കാന് ടെക് മഹീന്ദ്ര സിസ്കോയുമായി സഹകരിക്കുന്നു. ഇതോടെ ടെക്ക് മഹീന്ദ്ര ഹൈദരാബാദ് ക്യാംപസ് ഇന്ത്യയിലുള്ള 14,000 ലധികം ഉപയോക്താക്കളുള്ള ഏറ്റവും വലിയ സോഫ്റ്റ്വെയര് ഡിഫൈന്ഡ് കാമ്പസ് നെറ്റ് വര്ക്കുകളില് ഒന്നാകും. ടെക് മഹീന്ദ്രയുടെ ഓഫ്-ഷോര് ഡെവലപ്പ്മെന്റ് സെന്ററില് (ഒഡിസി) ഓട്ടോമോട്ടീവ്, അനലിറ്റിക്സ്, സെക്യൂരിറ്റി എന്നിവയെ സഹായിക്കുന്ന ടെക് മഹീന്ദ്രയും സിസ്കോയും തമ്മിലുള്ള ദീര്ഘകാല പങ്കാളിത്തത്തിന് ഈ പുതിയ വിന്യാസം ചുക്കാന് പിടിക്കുകയാണ്.
ഇത് ആഗോളതലത്തില് 106 ഉപഭോക്താക്കള്ക്ക് സേവനം നല്കുന്നുണ്ട്. പങ്കാളിത്തത്തിന്റെ സാമ്പത്തിക വിവരങ്ങള് വെളിപ്പെടുത്തിയിട്ടില്ല. ഇന്നത്തെ ഡിജിറ്റല് യുഗത്തിലെ ആവശ്യങ്ങളുമായി മുന്നോട്ടുപോകുന്നതിനുള്ള ആധുനികവത്ക്കരണം ആവശ്യമാണ്. സിസ്കോയുടെ സാങ്കേതികവിദ്യയുടെ സഹായത്തോടെ, ഞങ്ങളുടെ ഹൈദരാബാദ് ക്യാമ്പസിലെ ഏറ്റവും വലിയ സോഫ്റ്റ്വെയര് ഡിഫൈന്ഡ് നെറ്റ്വര്ക്കുകളിലൊന്നായി ഞങ്ങള് വിന്യസിച്ചിട്ടുണ്ട്, 'ടെക്ക് മഹീന്ദ്ര എംഡിയും സിഇഒയും സി.പി. ഗുര്ണാനി പറഞ്ഞു.
ടെക് മഹീന്ദ്രയും സിസ്കോയും സ്മാര്ട്ട് സിറ്റികള്, ബാങ്കിംഗ് തുടങ്ങിയവ ഉള്പ്പെടെയുള്ള വിവിധ മേഖലകളില് കോ-ടു-മാര്ക്കറ്റ് സ്ട്രാറ്റജികളുമായി സഹകരിച്ചു. അടുത്ത ഘട്ടത്തില് 5 ജി, ഫിനാന്ഷ്യല് സര്വീസ് വ്യവസായം, ഉത്പന്നങ്ങള്, റീട്ടെയില് തുടങ്ങിയ മേഖലകളില് ഡിജിറ്റല്വത്ക്കരണത്തിനുള്ള അവസരങ്ങളില് സംയുക്ത സംരംഭങ്ങള് ഏര്പ്പെടുത്തും.
