ഓഹരി വിപണിയില്‍ മുന്നേറ്റം തുടര്‍ന്ന് അദാനി പവര്‍; 59 ശതമാനം നേട്ടം

June 08, 2021 |
|
News

                  ഓഹരി വിപണിയില്‍ മുന്നേറ്റം തുടര്‍ന്ന് അദാനി പവര്‍; 59 ശതമാനം നേട്ടം

അദാനി ഗ്രൂപ്പ് കമ്പനികളില്‍ നിന്നുള്ള അദാനി പവര്‍ ഓഹരി വിപണിയില്‍ മുന്നേറ്റം തുടരുന്നു. ഇന്ന് കഴിഞ്ഞ 52 ആഴ്ചയിലെ ഏറ്റവും ഉയര്‍ന്ന വിലയായ 151.50 രൂപയാണ് അദാനി പവര്‍ ബിഎസ്ഇയില്‍ കുറിച്ചത്. ജൂണ്‍ ഒന്നിന് ഈ ഓഹരിയുടെ വില 95. 4 രൂപയായിരുന്നു. ഒരാഴ്ചക്കിടെ അദാനി പവര്‍ സമ്മാനിച്ചിരിക്കുന്ന നേട്ടം 58.8 ശതമാനം. കമ്പനിയുടെ വിപണി മൂല്യം 57,352.68 കോടി രൂപയായി.

കഴിഞ്ഞ 12 മാസത്തിനിടെ അദാനി പവര്‍ ഓഹരി വില 285.6 ശതമാനമാണ് വര്‍ധിച്ചിരിക്കുന്നത്. ഈ വര്‍ഷം ജനുവരി മുതലുള്ള നേട്ടം 198.5 ശതമാനവും. ഒരു വര്‍ഷം മുമ്പ് അദാനി പവറില്‍ അഞ്ച് ലക്ഷം രൂപ നിക്ഷേപിച്ചിരുന്നാല്‍ ഇന്നതിന്റെ മൂല്യം 19.64 ലക്ഷം ആയിരിക്കും. രാജ്യത്തെ പ്രമുഖ തെര്‍മല്‍ പവര്‍ ഉല്‍പ്പാദകരാണ് അദാനി പവര്‍.

News Desk

Author
mail: author@financialviews.in

Related Articles

© 2025 Financial Views. All Rights Reserved