ഒക്ടോബര് 10 മുതല്, ട്രെയിന് റെയില്വേ സ്റ്റേഷനില് നിന്ന് പുറപ്പെടുന്നതിന് അഞ്ച് മിനിറ്റ് മുമ്പു വരെ ടിക്കറ്റുകളെടുക്കാമെന്ന് ഇന്ത്യന് റെയില്വേ. പുറപ്പെടുന്ന സമയത്തിന് അരമണിക്കൂര് മുമ്പ് രണ്ടാമത്തെ റിസര്വേഷന് ചാര്ട്ട് തയ്യാറാക്കുന്നതിനുള്ള പ്രീ-കോവിഡ് സംവിധാനം പുന:സ്ഥാപിക്കാനാണ് ഇന്ത്യന് റെയില്വേ തീരുമാനിച്ചത്. പകര്ച്ചവ്യാധിയെത്തുടര്ന്ന് പതിവ് പാസഞ്ചര് ട്രെയിന് സര്വീസുകള് നിര്ത്തിവച്ചിരിക്കുകയാണ്.
എന്നാല് ഇപ്പോള് ഇന്ത്യന് റെയില്വേ സ്തംഭനാവസ്ഥയില് പ്രീ-കോവിഡ് നിലയിലേയ്ക്കുള്ള മാറ്റം ഘട്ടം ഘട്ടമായി നടപ്പിലാക്കി വരികയാണ്. നിലവില് സ്പെഷ്യല് ട്രെയിന് സര്വ്വീസുകളാണ് നടത്തി വരുന്നത്. പുതിയ മാറ്റങ്ങളെക്കുറിച്ച് നിങ്ങള് അറിയേണ്ട ചില കാര്യങ്ങള് ചുവടെ ചേര്ക്കുന്നു. നാളെ മുതല് സ്റ്റേഷനുകളില് നിന്ന് ട്രെയിനുകള് പുറപ്പെടുന്നതിന് 30 മിനിറ്റ് മുമ്പ് രണ്ടാമത്തെ റിസര്വേഷന് ചാര്ട്ടുകള് തയ്യാറാക്കും. കോവിഡിന് മുമ്പ് ഇത് സാധാരണമായിരുന്നു.എന്നാല് പകര്ച്ചവ്യാധികള്ക്കിടയില് ഇന്ത്യന് റെയില്വേ പ്രത്യേക പാസഞ്ചര് ട്രെയിനുകള് ആരംഭിച്ചപ്പോള്, ട്രെയിനുകള് പുറപ്പെടുന്നതിന് രണ്ട് മണിക്കൂര് മുമ്പ് രണ്ടാമത്തെ റിസര്വേഷന് ചാര്ട്ട് തയ്യാറാക്കിയിരുന്നു. എന്നാല് നാളെ മുതല് പഴയ രീതിയിലേയ്ക്ക് മാറും.
രണ്ടാമത്തെ റിസര്വേഷന് ചാര്ട്ട് തയ്യാറാക്കുന്നതുവരെ ട്രെയിന് ടിക്കറ്റുകള് ബുക്ക് ചെയ്യാവുന്നതാണ്. അതായത് നാളെ മുതല്, ട്രെയിന് പുറപ്പെടുന്നതിന് 30 മിനിറ്റ് മുതല് 5 മിനിറ്റ് മുമ്പേ വരെ ടിക്കറ്റുകള് ബുക്ക് ചെയ്യാം. ട്രെയിന് പുറപ്പെടുന്നതിന് നാല് മണിക്കൂര് മുമ്പെങ്കിലും ആദ്യത്തെ ചാര്ട്ട് തയ്യാറാക്കും. തുടര്ന്ന് ടിക്കറ്റ് റദ്ദാക്കല് കാരണം സീറ്റുകള് ഒഴിഞ്ഞാല്, രണ്ടാമത്തെ ചാര്ട്ട് തയ്യാറാക്കുന്നതുവരെ പിആര്എസ് കൌണ്ടറുകളിലൂടെയും ഓണ്ലൈനിലൂടെയും ടിക്കറ്റ് ബുക്ക് ചെയ്യാം.
റീഫണ്ട് നിയമങ്ങളിലെ വ്യവസ്ഥകള് അനുസരിച്ച് ഈ സമയത്ത് ടിക്കറ്റുകള് റദ്ദാക്കുകയും ചെയ്യാം. മഹാമാരിയെ തുടര്ന്ന് ടിക്കറ്റുകള് ഓണ്ലൈനില് മാത്രമേ ലഭ്യമായിരുന്നുള്ളബ. റെയില്വേ സ്റ്റേഷനുകളില് തിരക്ക് ഒഴിവാക്കുകയായിരുന്നു ലക്ഷ്യം. മാത്രമല്ല അനാവശ്യ യാത്രകളില് നിന്ന് ആളുകളെ നിരുത്സാഹപ്പെടുത്തുകയായിരുന്നു റെയില്വേയുടെ ലക്ഷ്യം.
കഴിഞ്ഞ കുറച്ച് മാസങ്ങളായി രാജ്യത്തെ സ്ഥിതി മാറി. പൂട്ടുന്നതിനുപകരം വീണ്ടും തുറക്കുന്നതിലാണ് കേന്ദ്രം കൂടുതല് ശ്രദ്ധ കേന്ദ്രീകരിക്കുന്നത്. റെയില്വേ നിരവധി പുതിയ ട്രെയിന് സര്വ്വീസുകളും ആരംഭിച്ചു. ഉത്സവ സീസണ് വരുന്നതോടെ റെയില്വേ 39 ജോഡി പുതിയ സ്പെഷ്യല് ട്രെയിനുകള് പ്രഖ്യാപിച്ചു. ഈ സ്പെഷ്യല് ട്രെയിനുകളുടെ തീയതി ഇതുവരെ പ്രഖ്യാപിച്ചിട്ടില്ലെങ്കിലും ഒക്ടോബര് 15 നും നവംബര് 30 നും ഇടയില് അവ പ്രവര്ത്തിക്കും.
